Ekonomio di Mongolia
| Ekonomio di Mongolia | ||
|---|---|---|
| Pekunio | tögrög | |
| Internaciona organizuri | MOK, Aziana Banko pri Developo, IMF, Mondala Banko, Organizuro por Koopero di Shanghai (observero) | |
| Statistiki [1] | ||
| Totala nacionala produkturo (TNP) | US$ 56 474 milioni (2023) | |
| Rango TNP | 120ma[2] maxim granda | |
| Kresko di TNP | 7,42% (2023) | |
| TNP po persono | US$ 16 200,00 (2023) | |
| TNP segun sektoro | agrokultivo 9,9%, industrio 39,5%, servadi 41% (2023) | |
| Inflaciono | 6,8% (2024) | |
| Habitantaro sub la povreso-lineo | 21,70% (2022) | |
| Laboro-povo | 1 449 000 (2024) | |
| Laboro-povo segun okupo | agrokultivo 31,1%, industrio 18,5%, servadi 50,5% (2016) | |
| Chomeso | 5,4% (2024) | |
| Komercala parteneri [1] | ||
| Exportaci (US$) | 15 501 milioni (2023) | |
| Precipua parteneri | Popul-Republiko Chinia 92%, Suisia 6%, Italia 1% (2023) | |
| Importaci (US$) | 13 545 milioni (2023) | |
| Precipua parteneri | Popul-Republiko Chinia 57%, Japonia 13%, Germania 3%, Singapur 3%, Usa 3% (2023) | |
| Publika financi [1] | ||
| Extera debo | 8 379 milioni (2023) | |
| Revenuo totala (US$) | 4 721 milioni (2021) | |
| Spenso totala (US$) | 4 845 milioni (2021) | |
| Noto: Ecepte kande kontree mencionata, valori en ca tabelo esas en Usana dolari | ||
L'ekonomio di Mongolia juis granda transformi kande la lando komencis explotar minerali. La lando esas richa en naturala resursi. Lua jaceyi di kupro, oro, karbono, fluorino, uranio, stano e wolframo, inter altri, atraktis direta exterlanda kolokado. Ante, ol dependis del agrokultivo ed edukado di bestii por 90% di lua exportaci.
La lando apertis lua borso en 1991, e membreskis MOK en 1997. De 2004 til 2008 lua ekonomio kreskis mezavalore 9% omnayare, ma en la fino di 2008 l'internaciona ekonomiala krizo atingis forte l'exportaci, nome kupro. En 2009 l'ekonomio diminutis per 1,3%. Ca yaro, l'Internaciona Monetala Fonduro prestis 236 milion Usana dolari por ristrukturigar l'ekonomio. De 2010 til 2013 l'ekonomio kreskis plu kam 10% omnayare. En 2014, ol kreskis 7,8%. Komerco kun Popul-Republiko Chinia reprezentas 62% de extera komerco di la lando: Chinia importacas 90% de la produktado di Mongolia e furnisas plu kam 40% de la vari importacata da la lando. Rusia furnisis precipue energio e produkturi de petrolo: 90% de la gazolino e dizelo uzita en Mongolia kompresis de Rusia.
Dum la komenco dil yari 2020a, malgre la kresko, l'ecesiva dependo dil exportaco di minerali, la kreskanta debo, l'inflaciono, e la posibla interupto di furniso di fueli de Rusia reprezentis minaco al ekonomiala stabileso di la lando. Tamen, la kresko ekonomiala durigis: en 2021 l'ekonomio kreskis 1.64%, en 2022 ol kreskis 5.03%, ed en 2023 ol kreskis 7,42%[1].
Referi
[redaktar | redaktar fonto]- 1 2 3 4 Mongolia - The World Factbook - Publikigita da CIA. URL vidita ye 15ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison