Filozofio di la cienco

De Wikipedio
Irez ad: pilotado, serchez

La filozofio (o teorio) di la cienco esas domeno en filozofio qua studias la karaktero e la generala premisi di la ciencala savo e la ciencal aktiveso. Ol analizas la nocii, teorii, metodi e problemi di la cienco e la ciencala konkluzado ed explikado. La filozofio di cienco studias ultre la cienci ordinare, anke aparta domeni ciencala. Exemple la filozofio di matematiko klarigas la karaktero di la matematikala tezi e l'existo di la matematikala enti (exemple, la nombri).

La filozofio di la sociala cienci studias la problemi di la sociala cienci. On povas bifurkar la filozofio di cienco a du branchi:

  1. la generala filozofio di la cienco, qua studias la cienco ordinare; ol bifurkas sualatere a la savo-teorio di la cienco ed a la ontologio di la cienco;
  2. la studio di la fundamenti di la aparta cienco-branchi e di la fundamenti di la ciencala teorii.

De la branchi di la filozofio, la filozofio di cienco apogas su precipue a savoteorio e logiko. La filozofio di cienco videsas ofte kom parto di savoteorio. La filozofio di cienco esas konektita proxime a studio di cienco e pro lo anke ad etiko di cienco, a sociologio di savo ed a historio dil idei.