Biofiziko

De Wikipedio
La biofiziko studias quale vivanta organismi movas su.
Markizili (blanke), ed elektrodi (blue) uzata por enrejistrar l'elektral agado da la muskuli dum movado.

Biofiziko esas interfaka cienco qua uzas metodi di fizikala cienci por studiar biologiala sistemi[1]. Biofiziko povas studiar omna faki de biologio, de molekulala skalo til granda vivanta organismi. Exempli pri biofizikala studii esas la studii pri audado, biomekaniko (studio pri la movado di vivanta organismi), l'ago da enzimi kom katalizanti, produktado di elektro en kelka vivanta organismi, edc.

Esas posibla ke dum la 21ma yarcento fizikisti, biologiisti e kemiisti studios la sama fenomeni ed eventi en la sama laboratorii. Kelk exempli:

  • studii pri neurocienco augmentis e produktis plu bona rezulti de pos ke aplikesis la legi di elektromagnetismo, optiko e fiziko molekulala al studio di neuroni;
  • studii pri osmozo di la membrano celulala;
  • komputeri povas enrejistrar l'elektrala signi emisata dal cerebro por movar ula brakio o gambo di ula persono sana, e riproduktar ca signi por movar protezo en kripla persono.[2]

Referi[redaktar | redaktar fonto]

  1. Careers in Biophysics brochure, Biophysical Society
  2. O cérebro em ação - Publikigita da Revista Pesquisa Fapesp. URL vidita ye 1ma di decembro 2020. Idiomo: Portugalana.