Géza Maróczy
| Géza Maróczy | ||
| ||
| Profesiono: | shakoludisto | |
| Lando: | .svg){kind=small} Austria-Hungaria Hungaria
| |
| Naskodato: | 3 di marto 1870 | |
| Nasko-loko: | Szeged, Austria-Hungaria | |
| Mortodato: | 29 di mayo 1951 | |
| Morto-loko: | Budapest, Hungaria | |
Géza Maróczy[1] (IFA: ˈɡezɒ mɒˈrot͡si) (n. ye la 3ma di marto 1870 – m. ye la 29ma di mayo 1951) esis Hungariana shakoludisto.
Unesma serioza suceso Maróczy havis en 1896 ganinte 2ma pozeso dum turniro en Nürnberg (dope Emanuel Lasker). Itere 2ma pozeso (kune Harry Pillsbury e Dawid Janowski – itere dope Emanuel Lasker) ganis en 1899 en London. En la sama yaro vinkis turniro en Wien (avane Carl Schlechter).
Unesma yardeko di 20ma yarcento esis por Géza Maróczy tre sucesoza, inter altri vinkis turniri en: Monte Carlo (1902 e 1904), Barmen (1905, kune Dawid Janowski), Ostende (1905), Wien (1908, kune Oldřich Duras e Carl Schlechter). Konsiderita kom maxim bona shakoludisto dil mondo il ne povis ludir pri championeso kontre Emanuel Lasker pro kauzi financala – lore championo selektis sua rivalo, qua financis tota evento.
En 1923 il vinkis turniro en Karlovy Vary kune Alexandr Alehin e Yefim Bogolyubov.
Maróczy esis duktero di tre forta esquado di Hungaria en olimpiadi pri shakoludo, qua ganis ora medalii en 1927 e l'arjenta en 1930.
Il havas titulo grandmastro (GM) de 1950.
Segun retro-spektala sistemo maxim granda rango Maróczy havis ye 1906 – 2820, 1ma pozeso en la mondo.
Referi
[redaktar | redaktar fonto]- ↑ Propra nomi relatanta a Hungara linguo esas originala, do li ne esas plene lektebla en Ido.