Guglielmo Marconi
| Guglielmo Marconi | ||
 | ||
| Profesiono: | fizikisto ed inventisto | |
| Lando: |  Italia | |
| Naskodato: | 25 di aprilo 1874 | |
| Nasko-loko: | Bologna, Emilia-Romagna | |
| Mortodato: | 20 di julio 1937 | |
| Morto-loko: | Roma, Italia | |
Guglielmo Marconi (1874 til 1937) esis Italiana fizikisto qua recevis Nobel-premio pri fiziko en 1909. Ilu esis konsiderita l'inventisto di radio.
Frua experimenti
[redaktar | redaktar fonto]Il naskis en Bologna; ilua Irlandana matro esis nepotino di John Jameson, fondero di wiskio-distilerio. En 1894 il komencis experimentar pri transmisi per elektro-magnetala ondi; tala ondi esabis deskriptata kelka yari antee da Heinrich Rudolf Hertz. Pro manko di intereso di la Italiana ministerio di posto e telegrafo pri plusa explorado di la projeto, Marconi translojis a Britania en 1896 por durigar sua explorado, ed ye la 2ma di junio 1896 ilu depozis patento furnisante provizora deskripto di radio-telegrafo. Plena deskripto sequis, e la patento aceptesis ye la 2ma di julio 1897.
Radio-transmiso trans la Atlantiko
[redaktar | redaktar fonto]Ye la 12ma di decembro 1901 il facis la unesma radio-transmiso trans la Atlantiko, de Cornwall en Anglia a St. John's, Newfoundland e Labrador; la disto esas cirkume 3500km. La anteno ye St. John's havis alteso 150m ed esis suportata per kaito. Plusa experimenti di transatlantika transmisi sequis, e Marconi komencis konstruktar transmiso-stacioni ye amba lateri di la oceano por komunikar kun navi. En 1907, reguloza transatlantika telegrafo-servado komencis.