Ido-Amiki Berlin
Ido-Amiki Berlin esas lokala Ido-grupo en la germana chefurbo Berlin. La Ido-Amiki Berlin esas lokala seciono di la Germana Ido-Societo.
Membreso
[redaktar | redaktar fonto]La Ido-Amiki Berlin ne havas formala membreso. La maxim granda parto di la Ido-Amiki esas membri di la Germana Ido-Societo. Dum la publika renkontri di la Ido-Amiki Berlin omna venerdio partoprenas inter 6 e 10 Idisti e gasti.
Kelka membri di la Ido-Amiki:
- Rudolf Gensch: Ex-Vice-prezidanto di la Germana Ido-Societo. Aktuala sekretario di la Germana Ido-Societo.
- Eberhard Scholz: Ex-membro di la Direktanta Komitato di la Uniono por la Linguo Internaciona Ido. Membro dil direktantaro di la Germana Ido-Societo en diversa ofici depos multa yari.
- Günter Schlemminger: Autoro da multa libri ed artikli en Ido.
- Ferdinand Möller: Autoro da multa lerno-materiali di Ido e instruktisto di Ido-kursi en Berlin.
- Mike Berger: Redatoro di la Ido-revuo Ido-Saluto!.
- Thomas Schmidt: Ex-membro di la Direktanta Komitato di la Uniono por la Linguo Internaciona Ido, depos 2020 prezidanto di la Germana Ido-Societo
- Jürgen Viol: Tradukisto di literaturo. Il tradukis kelka libri dil Biblo e la romano Doktor Schiwago da Boris Pasternak ad Ido.
Aktivaji
[redaktar | redaktar fonto]- La Ido-Amiki Berlin editas la Germana Ido-revuo Ido-Saluto!. La membri di la Ido-Amiki Berlin formacas la redakterio di la revuo.
- La Ido-Amiki Berlin aranjas omna venerdio publika renkontro en Berlin por Idisti e gasti.
- La Ido-Amiki organizas internaciona Ido-konferi e renkontri en la Germana chefurbo.
- La Ido-Amiki Berlin administras la Germana Ido-arkivo kun multa materiali di la Ido-movado e lerno-materali. Nun la Ido-arkivo situesas en skolo en Berlin-Prenzlau.
- La Ido-Amiki Berlin vendas Ido-libri ed avancigar la publikigo di Ido-libri.
- La Ido-Amiki Berlin aranjas kursi por lernar Ido e publika diskursi pri Ido.
- La Ido-Amiki Berlin havas propra ret-situo.
- Depos la yaro 2005 la Ido-Amiki Berlin partoprenis per diskursi ed estaleyo ye la internaciona linguo-ferio Expolingua en la centro di Berlin.