Germana Ido-Societo
La Germana Ido-Societo od abrevita GIS (en la germana linguo Deutsche Ido-Gesellschaft) esas la nacionala asociuro di Ido en Germania.
La Germana Ido-Societo esis rifondita en la yaro 1960 en Berlin. Antee la germana Idisti esis organizita en la Germana Ido Federuro.
La Germana Ido-Societo esas en Germania oficale registrita societo che la tribunalo en Berlin en la distrikto Charlottenburg.
La jurnalo di la organizuro esas la Ido-Saluto!, qua esas publikata quarfoye en la yaro.
En la yaro 2010 la Germana Ido-Societo havis 21 membri.
En la yaro 2014 la Germana Ido-Societo havis cirkume 30 membri. En Berlin la Germana Ido-Societo havas tre aktiva lokala grupo sub la nomo Ido-Amiki Berlin [1].
La Germana Ido-Societo aranjis multa Ido-Konferi ed internaciona Ido renkontri. La asociuro avancigas la publikado di Ido-literaturo.
Direktantaro[redaktar | redaktar fonto]
La nuna direktantaro di la Germana Ido-Societo (2016):
- Prezidanto: vakanta
- Vice-prezidanto: Rudolf Gensch
- Sekretario: Eberhard Scholz
- Kasero: Dieter Schmidtchen
Yarchefkunveni di la Germana Ido-Societo[redaktar | redaktar fonto]
La yarchefkunveni di la Germana Ido-Societo eventas unfoye singlayare.
Listo di la recenta yarchefkunveni di la Germana Ido-Societo
- 2005 2-esma di julio en Waldkappel
- 2006 25-esma di agosto en Berlin
- 2008 23-esma di agosto en Wuppertal-Neviges
- 2009 17-esma/18-esma di mayo en Nürnberg
- 2010 21-esma di agosto en Tübingen
- 2011 20-esma di agosto en Trier
- 2012 28-esma di julio en Dessau
- 2013 16-esma di junio en Edermünde
- 2014 30-esma di agosto en Schwielowsee
- 2017 17-esma di junio en Edermünde
- 2019 7-esma di septembro en Berlin
- 2020 26-esma di septembro en Berlin
.svg)