Ido-konfero 1923
La triesma internaciona Ido-konfero eventis en Kassel, Germania de la 4ma til la 9ma di agosto 1923. La prezideri di la konfero esis profesoro pri jurisprudenco Auerbach de Frankfurt am Main, profesoro pri jurisprudenco Masera de Turin e profesoro Stör de Praha.[1]
Ultre India ed Usa, partopreninti venis preske de omna Europala landi. De Francia partoprenis 14 reprezentanti e de Italia 10 reprezentanti. Li debatis entuziasmoze nur en la Ido. La lokala jurnali kompatemesis a la konfero ed a la Ido-linguo. La Ido-Akademio examenis cirkume duadek partoprenanti e grantis docero-diplomo a li.
La maxim importanta temo di la konfero esis la futuro dil Ido. La konfero unanime aprobis duranta developo e plubonigo di la linguo segun ciencala e praktikala principi. La konfero decidis, ke la Ido-Akademio analizos omna propozi pri plubonigo e reprenzetos li por generala debato pos un o du yari en la oficala organo dil Ido-uniono “Mondo”, qua redaktesas en Stockholm, Suedia.
La konfero elektis por exekutanta komitato dil Uniono, Sueda doktoro Sten Liljedahl, bankisto T. V. Bäckström e redaktisto P. Ahlgren, omni de Stockholm.
On decidis ke la sequanta, t.e. la quaresma konfero, eventos en Luxemburgia dum agosto 1924.
Fonto
[redaktar | redaktar fonto]- ↑ 20ma di agosto 1923, (jurnalo) Suomen Sosialidemokraatti ('Finlandana Social-demokrato'), Helsinki.
.svg)