Ido-konfero 1924

De Wikipedio
Irez ad: pilotado, serchez

Quaresma Ido-konfero eventis depos 9ma til 12ma di agosto 1924 en Luxembourg, la chef-urbo di Luxemburgia. Preske 300 partoprenanti venis de cirkume 15 landi.[1]

La konfero apertesis grandioze en saturdio. Nemediate komencis la negociado. La debatinda aferi koncernis Ido relate skolo ed Ido relate radio.

En sundio esis meso e prediko per Ido en klostro-kirko dil Redemptist-ordeno. Posdimeze eventis oficala aceso di konferani che l'urbestro, ecelenco Dietrich. La dio finis, sen plusa negociado, per publika diserti da Idisti de diferanta landi. Tale Idisti demonstris l’apteso di la internaciona linguo e la desfacila komprenebleso mem por la ne-Idisti.

En lundio duris la negociado. On organizis anke exameno por la personi, qui volis havar la docero-diplomo de Ido-Akademio. La konfero finis en mardio.

Fonto[redaktar | redaktar fonto]

  1. 13 di agosto 1924, (jurnalo) Arbetet ('Laboro'), Helsinki.