Thomas Schmidt

De Wikipedio
Salti al navigilo Irez a serchilo

Thomas Schmidt (n. dum la yaro 1968) esas germana idisto. Il studiis e promocis kom doktoro di politiko-cienco en München.

Thomas Schmidt lernis Ido per la interreto ye la yaro 2008. Inter la yaro 2011 e 2016 il esis vice-prezidanto di la Germana Ido-Societo ed il anke esis membro dil Direktanta Komitato dil ULI.

Depos la yaro 2019 il esas aktiva en la Berlinana Ido-grupo Ido-Amiki Berlin e membro dil redakterio dil Ido-revuo Ido-Saluto!.

Ye la yaro 2020 Thomas Schmidt elektesis kom prezidanto dil Germana Ido-Societo.

Il skribas artikli en Ido-revui. En la interreto il esas aktiva sub sua pseudonimo Valodnieks en forumi, skribas por la Wikipedio di Ido e facas videi che YouTube en Ido ed skribas blogo en Ido

Il esas anke aktiva por la auxialiara linguo Occidental.

Thomas Schmidt esas mariajata e havas du filiuli. Il habitas en Berlin.