Jakarta

De Wikipedio
Jakarta
Kelk imaji pri Jakarta.
Standardo Blazono
Lando: Indonezia
Informo:
Latitudo: 6°12'S
Longitudo: 106°49'E
Altitudo: 8 m
Surfaco: 661,5 km²
Habitanti: 9 607 787 (2010)
Denseso di habitantaro: 14.464 hab./km²
Horala zono: UTC7
Mapo di Jakarta
Oficala retosituo:
www.jakarta.go.id
Palaco Merdeka, sideyo di Indoneziana guvernerio.

Jakarta esas la chef-urbo e maxim populoza urbo di Indonezia. Segun la demografiala kontado di 2010, ol havis 9 607 787 habitanti. Lua tota surfaco esas 661,5 km², esanta la min granda ek l'Indoneziana provinci. Lua metropolala regiono, nomizita Jabodetabek esas la 2ma maxim populoza aglomerajo urbala del mondo, dop la metropolala regiono di Tokyo, e kovras entote 9 957,08 km², inkluzite urbi Bogor, Depok, Tangerang, Sud-Tangerang, e Bekasi.

Jakarta la centro ekonomiala, kulturala e politikala di Indonezia. Ol ank esas la diplomacala chef-urbo di ASEAN. Lua multopla employo-oportunaji atraktis migranti de omna loki di Indoneziana arkipelago. L'universitato di Indonezia (Indoneziane Universitas Indonesia) fondesis en 1924, ed esas un ek la maxim anciena e maxim prestijoza universitati de la lando.

La nomo dil urbo forsan devenas del Sanskrita Jaya-kerta, signifikante 'vinkeyo', o del Persa kert, signifikante 'loko'. Dum la historio ol havis altra nomi: Sunda Kelapa (397–1527), Jayakarta (1527–1619), Batavia (1619–1942), e Djakarta, de 1942 til 1972. Ol nomizesis Jayakarta pos ke Fatahillah vinkis ed ekpulsis Portugalana trupi en 1527.

Historio[redaktar | redaktar fonto]

Jakarta fondesis en 1619 dal Nederlandani. Ol divenis chef-urbo pos la nedependo di Indonezia en 1949.

Geografio[redaktar | redaktar fonto]

Placo Merdeka, kun la Nacionala Monumento (Monumen Nasional) an lua centro.

Situita norde de Java, an la boko dil fluvio Ciliwung, la reliefo di Jakarta esas plana norde del urbo, kun kelk arei sub la marala nivelo, qui povas subisar inundadi. Parto ek la urbo konstruktesis sub tereni olim marshosa. La suda quarteri dil urbo esas kolinoza. Lua mezavalora altitudo esas 8 metri e lua maxim alta punto jacas 50 metri sur marala nivelo.

La klimato dil urbo esas tropikala kun influo di musono (Am segun la klimatala klasifikuro da Köppen). La mezavalora temperaturo ne varias multe, esanta proxim 26,7°C dum tota yaro.

La pluvoza sezono iras de novembro til mayo. La mezavalora yarala pluvo-quanto esas 1816 mm, e la maxim pluvoza monato esas januaro, kun mezavalore 300,7 mm. La maxim sika monato esas agosto, kande pluvas mezavalore 43,2 milimetri.

Segun statistiki de 2011, 10,5% de tota surfaco di Jakarta kovresas da verda arei. La placo Merdeka (Medan Merdeka) kovras preske 1 km², e til la yaro 2000 ol esis la maxim granda placo de la mondo.