Kerala

De Wikipedio
Kerala
[[Arkivo:|border|140px]]
Chefurbo Thiruvananthapuram
Oficala linguo Malayalam, Angla
Surfaco 38 863 km²
Habitanti
Denseso di habitantaro
33 387 677[1] (2011)
860 hab./km²
Guberniestro Arif Mohammad Khan
Horala zono UTC+5.3
TNP (yaro) US$ 110 miliardi (2018-19)
Reto kerala.gov.in

Kerala esas stato en sudal India, apud l'Indiana Oceano. Ol havas kom vicini stato Karnataka norde e nord-este, e Tamil Nadu este e sude. Weste jacas la maro di Lakshadweep (o maro di Lakadivi). Segun la demografiala kontado di 2011, la stato havis 33 387 677 habitanti.[1]

Historio[redaktar | redaktar fonto]

Neolitika dolmeno en Marayur, Kerala.

Dum anciena epoki, granda parto de la nuna Kerala jacis sub la maro. Marala fosili, qui suportas ca hipotezo, trovesis en regiono proxim la nuna Changanacherry. Prehistoriala restaji inkluzas dolmeni de Neolitiko.

Komercisti de westal Azia e sudal Europa establisis komercala avanposteni en Kerala. Judi komencis komercar en la regiono cirkume 573 aK. Arabi ja komercis en la regiono dum la 4ma yarcento aK. Kristani veninta de Persia arivis en la regiono dum la 4ma yarcento, e mem konstruktis kirki en la regiono. Dum la 7ma yarcento, la linguo parolita en Kerala komencis diferar de Tamil.

Dum la 14ma yarcento la regiono vizitesis da Ibn Battuta, e deskriptis urbo Kozhikode kom "un ek la precipua portui de distrikto Malabar".

Geografio[redaktar | redaktar fonto]

Jacanta inter la latitudi 8°18' N e 12°48'N e longitudi 74°52'E e 77°22'E, la klimato di Kerala esas humida tropikala kun kelka cikloni. La stato havas bela naturo e pezajo.

Ekonomio[redaktar | redaktar fonto]

De 1998 til 2005, l'ekonomio di Kerala kreskis 8.93% omnayare, plu multa kam la mezavalora kresko di Indiana ekonomio dum la sama periodo: 4,8%. La stato dependas de pekunio sendata da ekmigranti qui rezidas en altra landi.

Referi[redaktar | redaktar fonto]

  1. 1,0 1,1 Kerala Population Census data 2011 - Publikigita da Census 2011. URL vidita ye 12ma di novembro 2015.