Kuskuso

De Wikipedio
Irez ad: pilotado, serchez
Kuskuso en bolo

Kuskuso (araba: كُسْكُس‎ kuskus Berbera: ⵙⵉⴽⵙⵓ seksu) esas tre populara disho en Nord-Afrika.

Kuskuso facesas per netenue triturita durum-frumento (semolo).  Ek la tale facata pasto formacesas buleti en rotacanta cilindro, qui senaquigesas.  Oli esas obtenebla en diversa grandesi.  E la pasto-buleti ipsa e la dishi facata per oli, nomesas kuskuso.

Kuskuso esas populara disho en la Nord-Afrikana koquarti di MarokoAljeriaTuniziaMauritania e Libia, ed anke en Sicilia.

Nomo[redaktar | redaktar fonto]

La originala nomo forsan devenas del araba vorto Kaskasa, "pistar til mikra", o Berbera Seksu, "bone rulita", "bone formacita", o "ronda".

Multa diferanta nomi e pronunci por kuskuso existas cirkum la mondo.  Kuskuso esas kuskus o kuuskuus en Britania, ma nur la lasta en Usa.  Ol kelkafoye pronuncesas kuskusi (كسكسي) en araba, e konocesas en Maroko kom seksu, kesksu (طعام); en Aljeria kom seksu o ṭa`ām (طعام, literale "manjajo") ; en Tunizia e Libia kosksi o kuseksi, en Egiptia kuskusi (كسكسي), Sicilia cuscusu, e keskes en Tuarega.

Geografio[redaktar | redaktar fonto]

Kuskuso multe manjesas en Nord-Afrika, precipue en arei norde de la Sahara.  Kam plu proxim la Proxima Oriento, tam min ofte kuskuso manjesas.  Anke en Sicilia kuskuso manjesas.

Kuskuso esas anciena disho.  La unesma skribita refero trovesas en la 13ma-yarcenta Andaluziana koquolibro Kitāb al-ṭabīkh fī al-Maghrib wa’l-Āndalus.  Ibe on referis famoza recepto de Marrakeshalcuzcuz fitīyānī.

En la landi di Nord-Afrika kuskuso egardesas kom nacionala disho, quale rizo-dishi en aziana landi, e terpomo-dishi en westala landi.   En westala koquarto kuskuso, kom parto del internaciona koquarto, populareskis depos la 1990a yari.

Kuskuso kun legumi e garbanzi

Kuskuso manjesas da marokani tradicionale ye venerdio.  Venerdio esas dio qua che islamani havas specala rango kom dio di kunveno dil komuneso.   Kuskuso do anke havas importanta kulturala signifiko.

Preparo[redaktar | redaktar fonto]

La facila e rapida maniero facar kuskuso, esas koquar ol en aquo kun planto-oleo e salo.  Tradicionale ol facesas en du-parta kuskus-kasrolo.  Ibe la kukuso ed ofte anke legumi vaporizesas.  Ico esas tempivora tasko, ma la rezulto esas bona.

Kuskuso-dishi preparesas per diversa ingredienti, la difero jacas precipue en la quanto e sorti de legumi.  En Tunizia la disho ofte preparesas plu spicoze per harissa.  En Libia on uzas anke fishokreveti kom ingrediento en kuskuso-dishi.  On anke facas dolca kuskuso per lakto.

Kuskuso-salado facesas per pozar kuskuso en mixuro de kolda aquo, vinagro ed oliv-oleo, e lasar repozar dum kelka hori.  On povas adjuntar irgo por igar ol plu saporoza.  En Genève, Suisia exemple 'couscous fruits de mer' esas tre populara.

Kuskuso manjesas tradicionale per la fingri, ma nuntempe on generale uzas kultelaro pro ke lo esas plu facila.