Nobel-premio

Nobel-premio (Suede Nobelpriset, en Norvegiana Nobelprisen) donesas da Nobel-fonduro omnayare ad eminenti en faki di fiziko, kemio, medicino o fiziologio, literaturo e paco. Premii donesas depos 1901, e depos 1969 donesas premio pri ekonomiko. Nobel-fonduro donas Nobel-premii sempre la 10ma di decembro (quo esas mortodio di Alfred Nobel) en Stockholm ed Oslo.

Cienciala Akademio di Suedia selektas la laureati pri:

• fiziko
• kemio
• ekonomiko.

Karolina Instituto en Stockholm selektas la laureati pri

• fiziologio o medicino.

Akademio di Suedia selektas la laureati pri

• literaturo.

Komitato nominata dal Parlamento (storting) di Norvegia selektas la laureati pri

• paco.

Por singla ek la premii nominesas komitato qua selektas de 10 til 15 kandidati. Finala laureati selektesas segun opinioni di du experti. Nuntempe plu ofte premio donesas a grupo di studiisti, ma en la grupo devas esar admaxime tri membri. La devizo di premio esas “por bono dil homaro”.