Ouro Preto
| Ouro Preto | ||
.jpg)
| ||
| Historiala centro di Ouro Preto. | ||
|
| |
| Standardo | Blazono | |
| Lando: |  Brazilia
| |
| Regiono: | Sud-estala | |
| Stato: | Minas Gerais | |
Informo:
| ||
| Fondita ye: | 8ma di julio 1711 | |
| Latitudo: | 20°17'15" S | |
| Longitudo: | 43°30'29" W | |
| Altitudo: | 1179 m | |
| Surfaco: | 1 245 km² | |
| Habitanti: | 74 824[1] (2022) | |
| Denseso di habitantaro: | 59,46 hab./km² | |
| Disto de Belo Horizonte: | 96 km | |
| Horala zono: | UTC-3 | |
| Urbestro: | Ângelo Oswaldo de Araújo Santos (PV, 2025–2028)[2] | |
Mapo:
| ||
| ||
Oficala retosituo:
| ||
| http://www.ouropreto.mg.gov.br | ||
Ouro Preto esas historiala urbo en Braziliana stato Minas Gerais. Segun la demografiala kontado di 2022, ol havis 74 824 habitanti[1]. Lua tota surfaco esas 1 245 km².
Ouro Preto distas 96 km de Belo Horizonte, 475 km de Rio de Janeiro, 675 km de Sao Paulo e 840 km de Brasilia. Lua nomo, en la Portugalana, signifikas "nigra oro". Dum la 18ma yarcento ol esis importanta centro di minado di oro en koloniala Brazilia. Nun ol esas importanta turistala urbo pro lua prezervata koloniala arkitekturo.
Ouro Preto anke esas hemo di la federala universitato di Ouro Preto (UFOP), qua havas cirkume 8.000 studenti. Multa studenti vivas en komonala domi nomizata "republiki". Existas 66 "republiki" di studenti del universitato en l'urbo.
Geografio
[redaktar | redaktar fonto]
La reliefo di Ouro Preto esas kolinoza, varianta de 700 metri sur la marala nivelo Amarantina til 1600 metri di altitudo che distrikto Antônio Pereira. Lua mezavalora altitudo esas 1179 metri. Rivero das Velhas, qua trairas Belo Horizonte, naskas en la municipo.
La municipo prezervas arei kun l'originala foresto Atlantika, qua olim kovris regioni vicina a la litoro di Brazilia, ed anke pasturaji, mikra boski di araukario, e vejetantaro di savano (cerrado).
La klimato di Ouro Preto esas tropikala, kun influo dil altitudo (Cwb segun la klimatala klasifikuro da Köppen). La mezavalora temperaturo en julio (vintro) esas 14,8°C, kontre ke la mezavalora temperaturo en januaro (somero) esas 20,8°C.
La mezavalora yarala pluvo-quanto dil urbo esas 1552 mm, e la maxim pluvoza monato esas decembro, kun mezavalore 324 mm. De mayo til agosto, la mezavalora pluvo-quanto monatala esas infre 30 mm.
Ekonomio
[redaktar | redaktar fonto]
Ultre turismo, altra importanta ekonomial agado di Ouro Preto duras esar la minado (oro, turmalino, hematito, dolomito, pirito e topazo), ed anke industrio, nome aluminio (Alcan) ed altri.
Referi
[redaktar | redaktar fonto]- ↑ 1,0 1,1 População de Ouro Preto (MG) é de 74.824 pessoas, aponta o Censo do IBGE - Publikigita da G1. Dato di publikigo: 28ma di junio 2023. Idiomo: Portugalana.
- ↑ Eleições 2024: Angelo Oswaldo, do PV, é eleito prefeito de Ouro Preto no 1º turno - Publikigita da G1. Dato di publikigo: 7ma di oktobro 2024. Idiomo: Portugalana.