Programo Salyut

Programo Salyut esis Sovietiana programo pri konstrukto e lansado di navi de kosmodromo Baikonur, per fuzeo, por suplear kosmostacioni. Pos perdir la "batalo pri arivo a la Luno" on igis prioresala longatempala existado en kosmo, e kosmostacioni esis maxim importanta elemento di ca skopo.

Kosmostacioni de transportesis de fabrikerio Hrunichev en Moskva a kosmodromo Baikonur per ferovoyo. Li ne povis observesar da Usana sateliti spionala, do posible li esis negranda: maxima longeso 13,6 m til 16 metri, e diametro 2 til 4,15 metri.

Kosmostacioni:

Salyut 1 – unesma kosmostaciono en historio, sendita ad orbito ye 19ma di aprilo 1971 (unesma probo di dokado per Soyuz-10 esis ne sucesoza, esquado di Soyuz 11 pasis ibe 23 dii, e la staciono venis en ter-atmosfero ye la 11ma di oktobro 1971)
Salyut 2 – sendita ad orbito ye 3ma di aprilo 1973 – senutila (mortis ye la 28ma di mayo 1973)
Salyut 3 – sendita ad orbito ye 25ma di junio 1974 – esquado di Soyuz 14 (Pavlo Popovich e Yuri Artyuhin) esis ibe 15 dii, ne sucesoze dokis Soyuz 15 (Gennadi Sarafanov e Lev Dyomin), la staciono mortis ye la 24ma di januaro 1975.
Salyut 4 – sendita ad orbito ye 26ma di decembro 1974 – pasis ibe esquadi di Soyuz 17 e Soyuz 18, ye la 17ma di novembro 1975 dokis senesquadala Soyuz-20, la staciono esis en orbito plu kam 2 yari e brulis en ter-atmosfero ye la 3ma di februaro 1977.
Salyut 5 – sendita ad orbito ye 22ma di junio 1976 – vizitis ol esquadi di Soyuz 21 e Soyuz 24. La kosmostaciono brulis en terala atmosfero ye la 8ma di agosto 1977.
Salyut 6 – sendita ad orbito ye 29ma di septembro 1977 – vizitis olun kelk esquadi ank de landi di Pakto di Warszawa (inter altri: Soyuz 28 kun unesma Chekiano Vladimír Remek, Soyuz 30 kun unesma Polono en kosmo, Mirosław Hermaszewski, Soyuz 31 kun unesma Germaniano en kosmo Sigmund Jähn, Soyuz 36 kun unesma Hungaro en kosmo, Farkas Bertalan, Soyuz 37 kun unesma Vietnamano en kosmo Phạm Tuân, Soyuz 39 kun unesma Mongoliano en kosmo Jügderdemidiyn Gürragchaa, Soyuz 40 kun unesma Rumano en kosmo, Dumitru Prunariu)
Salyut 7 – sendita ad orbito ye 19ma di aprilo 1982 – havis ol kin permanenta esquadi (de: Soyuz T-5, Soyuz T-9, Soyuz T-10, Soyuz T-13, Soyuz T-14), la staciono brulis en ter-atmosfero ye la 7ma di februaro 1991.

Kosmostacioni Salyut 2, Salyut 3 e Salyut 5 esis ank parto di sekreta programo Almaz.