Sanesala cienci
Sanesala cienci esas ciencala faki qui koncernas la protektado, stimulado e restaurado di saneso, e lia servi. Li povas definesar anke kom aplikata cienci qui traktas la uzo di cienco, teknologio, injeniorarto o matematiko en la sanesala flegado di homi. Sanesala cienci vizas posibligar la atingo di plu bona vivo-qualeso, plu longa, en bona kondicioni, sen nekapablesi.
Sanesala cienci organizesas segun du feldi:
- Studiado ed explorado por aquirar konocaji pri saneso e maladeso
- Aplikado di ca teknikala konocaji.
Amba feldi kunlaboras por atingar la ampla skopo mantenar, restaurar, plubonigar saneso e bona stando, preventar, remediar ed eliminar morbi e komprenar plu bone la komplexa vivo-procedi dil organismi animala e homa qui koncernas vivo, saneso e lua alteri (maladeso).
On dicas ke sanesala cienci esas interfakala pro ke li interplektas o kombinas plura cienci por la studiado dil sama nekonocata kazo medicinala o por pluprofundigar la studiado di plu specaligita formo.
La explori di ca cienco fondesas sur la naturala cienci, quala biologio, kemio e fiziko, ed anke sur sociala cienci, quala medicinala sociologio, psikologio, edc.
