Batalio di Leningrad
| asiejo di Leningrad | |||
| |||
| Kontre-aeral artilrio en Leningrad. | |||
| Konflikto: | Duesma mondomilito | ||
| Dato: | de la 8ma di septembro 1941 til la 27ma di januaro 1944 | ||
| Loko: | Leningrad, Sovietia (la nuna Sankt-Peterburg, Rusia) | ||
| Rezulto: | Strategiala vinko Sovietiana | ||
| Naziista Germania Finlando |
↔ | Sovietia | |
| Wilhelm Ritter von Leeb Georg von Küchler Carl Gustaf Emil Mannerheim |
↔ | Markian Popov Kliment Voroshilov Georgi Jukov Ivan Fedyuninsky Mihail Hozin Leonid Govorov Kirill Mereckov | |
| 725 mil (komence) | ↔ | 930 mil (komence) | |
| 1941: 85.371 morti 1942: 267.327 morti 1943: 205.937 morti 1944: 21 350 Entote: 579 985 morti |
↔ | Nordala fronto: 1 017 881 mortinti, kaptiti o desaparinta 2 418 185 vunditi o maladi Entote: 3 436 066 Baltika floto 55.890 Leningrad: 467.525 | |
| Sovietiana civili: 642 mil dum l'asiejo, e plusa 400 mil dum evakuo | |||
La batalio di Leningrad, od asiejo di Leningrad (Ruse: блокада Ленинграда, blokada Leningrada) esis militistal agado da Naziista Germania dum la Duesma mondomilito komandita da Wilhelm Ritter von Leeb, qua komence probis kaptar urbo Leningrad (la nuna Sankt-Peterburg). Tamen, pro la neposibleso pri rapide kaptar ol, Germani e lua federiti Finlandani decidis blokusar ol kun skopo mortigar pro hungro lua civila habitantaro e la garnizono de Reda Armeo qua protektis ol. Finlandani deziris venjo kontre Sovietiani, qui kaptabis teritorii cirkum lago Ladoga dum tale nomizita Vintro-milito.
Ye la 21ma di julio 1941, Adolf Hitler vizitis la kazerno dil generalo Von Leeb ed imperis la rapida elimino di Leningrad. Germani komencis atako ye la 8ma di agosto, ed ye la 13ma di agosto li kaptis Novgorod, do ruptinta la choseo inter Moskva e Leningrad. Sovietiani konstruktis komplexa defenso-sistemo cirkum la urbo, e kamuflis historiala edifici kun skopo desfaciligar l'identifiko di lua funcioni.[1]
L'asiejo komencis ye la 8ma di septembro 1941, kande Wehrmacht interuptis la lasta choseo til la urbo. Malgre ke Sovietiana trupi sucesis apertar streta terala koridoro vers la urbo ye la 18ma di januaro 1943, Reda Armeo sucesis ruptar l'asiejo erste ye la 27ma di januaro 1944, 872 dii pos ke ol komencis. La blokuso divenis un ek la maxim longa e destruktiva sieji de la historio, e posible ol esis la maxim kustoza ek li, pro la granda quanto di mortinti dum ol. Dum la 21ma yarcento, kelka historiisti klasifikis ol mem kom gentocido, pro l'intenco pri destruktar lua habitantaro per hungro.[2][3][4][5][6]
Mili di familii mortis pro koldeso e hungro en lia domi. Pro manko di nutrivi, multa habitanti nutris su de kolombi, kati e rati. Ank eventis kanibalismo e komerco di kadavri.[7] Lua habitantaro eskapis mortar pro hungro kande apertesis choseo sur la glaciatra surfaco del lago Ladoga, sur qua divenis posibla transportar nutrivi al urbo. La quanto di mortinti til la liberigo dil urbo superiris 1 200 000 personi, neoficale.[8]
Referi
[redaktar | redaktar fonto]- ↑ Bezymenskiĭ, Lev:Sonderakte "Barbarossa". Publikigita da Deutsche Verlag-Anstalt. Dato di publikigo: 1968. Pagino/pagini: 204. Idiomo: Germana.
- ↑ Autoro: Richard Bidlack, e Nikita Lomagin. The Leningrad Blockade, 1941-1944: A New Documentary History from the Soviet Archives. Publikigita da Yale University Press. Dato di publikigo: 2012. Pagino/pagini: 1, 36. Idiomo: Angla.
- ↑ Ganzenmüller, Jörg:Das belagerte Leningrad 1941-1944. Publikigita da Ferdinand Schöningh Verlag, Paderborn. Dato di publikigo: 2005.
- ↑ Autoro: Wulf Dietmar Hund, Christian Koller, Moshe Zimmermann. Racisms Made in Germany Publikigita da LIT Verlag. Loko di publikigo: Münster. Dato di publikigo: 2011. Idiomo: Angla.
- ↑ Opfer, Täter, Betrachter: Finnland und die Leningrader Blockade. Publikigita da Osteuropa. Dato di publikigo: 2011. Pagino/pagini: 48-63.
- ↑ Siegl, Elfie:Die doppelte Tragödie: Anna Reid über die Leningrader Blockade. Publikigita da Osteuropa. Dato di publikigo: 2011. Pagino/pagini: 358-363.
- ↑ 900-DAY SIEGE OF LENINGRAD - Publikigita da web.archive.org. Dato di publikigo: 8ma di agosto 2009. URL vidita ye 5ma di mayo 2021.
- ↑ The Siege of Leningrad, 1941 - 1944 - Publikigita da www.eyewitnesstohistory.com. URL vidita ye 5ma di mayo 2021.