Pakto di Warszawa: Diferi inter la revizi
Pagino kreesis kun 'thumb|250px|Nord-Atlantikal Uniono (en blua) e Warszawa-pakto (en reda) ye [[1973.]] '''Warszawa kontrato pri amikeso, ...' |
(Nula difero)
|
Versiono ye 21:24, 1 apr. 2012
Warszawa kontrato pri amikeso, koopero e reciproka helpo, maxim konocata kom Warszawa pakto, en Rusiana Договор о дружбе, сотрудничестве и взаимной помощи, Dogovor o druzhbe, sotrudnichestve i vzaimnoy pomoshchi (1955 til 1991) esis kontrato por mutuala defendo signatita da 8 socialista landi de Est-Europa dum Kolda milito. Ol esis propozita ed establisita da Soviet-Uniono ye 14 di mayo 1955 en Warszawa, Polonia, ed esis militala komplemento di la Konsilantaro por mutual ekonomiala helpo (konocita en Ocidento da abreviuro COMECON). La kreado di Warszawa-pakto esis respondo a l'eniro di West-Germania en Nord-Atlantikal Uniono ye 1955.
Fondinti
La sequanta landi partoprenis en la fondado di Warszawa pakto:
- Populala Republiko di Albania (ne partoprenis pos 1961 ed abandonis formale l'organizuro ye 1968, pos rupto inter Soviet-Uniono e Populala Republiko di Chinia)
- Populala Republiko di Bulgaria
- Socialista Republiko di Chekoslovakia
- Est-Germania
- Populala Republiko di Hungaria
- Populala Republiko di Polonia
- Populala Republiko di Rumania
- Soviet-Uniono
Kande Imre Nagy asumis povo en Hungaria ye 1956 ta lando abandonis Warszawa-pakto, ma Soviet-Uniono, kun la helpo di altra membri, invadis lando e renversis Nagy de povo. Trupi di pakto anke invadis Chekoslovakia ye 1968 por haltar Printempo di Praha. Ye 1 di julio 1991, poka monati ante fino di Soviet-Uniono, Chekoslovakiana prezidisto Václav Havel anoncis fino di Warszawa-uniono.