Tai-boxo
Tai-boxo o boxo Siamana (origine muay thai) esas kombat-sporto qua developesabas en Tailando. Lu esas notora anke kom "l'arto di omna la membri", pro ke la manui, la pedi, la kudi e la genui uzesas multe. Simila milital arti existas en Kambodja, Laos, Myanmar e Malaizia.
En la konkurso, la alta ped-frapi en la kapo povas semblar a facar plu forta efekto. Malgre ico, la experti di ica sporto deklaras ke la basa ped-frapi, la kudi, e la genui esas plu frakasanta por la kombatanti.
Persono, qua partoprenas en la konkurso, ante la kombato facas la longa ceramonio e l'ago establisita da kustumo. Li existas por motivi religiala e li servas kom extenso di muskuli e kom preparo.
L'entreno por boxo Siamana esas notora por lua forteso e lua solideso. Lu ambicias a hardigar l'ok membri del korpo, por ke frapesar kun la tibio del boxisto di boxo Siamana ofte komparesas a frapesar kun bastono di basbalo. La boxisti di boxo Siamana ordinare frapas kun la tibio vice kun la pedo.
Boxo Siamana influabas multe super developar di kik-boxo qua pose kreabesas en Japonia, en Europa, ed en Nord-Amerika.
Preske omna movo en boxo Siamana uzas la tota korpo, tornanta la hanchi vers omna ped-frapo ed omna pugn-frapo. Kom rezultajo, l'ataki e la defenso en boxo Siamana esas plu lenta ma plu potenta exemple kam en boxo od en karate.
Un del pioniri di ica sporto esas Tulgar Dursun.
ligili extera
[redaktar | redaktar fonto]
- Tai-boxo
- FeelThailand Muay Thai Muay Boran
- World Amateur Kickboxing Organization (WASKO) kick-boxing e Tai boxo