Aplikata fiziko

De Wikipedio

Aplikata fiziko esas termino generala, aplikata a la fako de la fiziko koncernata pri l'uzo di teknologii. La difero inter "fiziko pura" e "fiziko aplikata" esas sutila kombinuro di faktori, exemple la motivo dil inquesto, e la relato inter teknologio e cienco en ca specifika kazo. Ordinare, la difero inter "aplikata fiziko" ed injeniorarto esas ke l'intereso di aplikata fiziko ne esas inventar nova kozo o perfektigar ula kozo existanta, ma indikar quala fako de la fiziko mustas studiesar por solvar ula injeniorala problemo. La inquesto-procedi uzata en aplikata fiziko semblas l'uzata en aplikata matematiko.

L'intereso di fizikisti qui laboras kun aplikata fiziko povas ank esar la plubonigo di tekniki por developar ciencala inquesti. Exemple, la skopo di fizikisti qui laboras kun partikul-acelerili esas konstruktar plu bona acelerili qui permisos studiar teoriala fiziko plu bone.

Yen kelk exempli di inquesto-faki di aplikata fiziko: akustiko, biofiziko, bioteknologio, fluidodinamiko, optikala fibri, mikonduktori, biomedicinala fiziko, edc.