Bioetiko

De Wikipedio

Bioetiko esas fako del etiko qua provizas principi di konduto por protektar la vivi homala e de altra vivanta enti, ed anke l'ambiento, koncerne ciencala inquesti en la faki biologio e medicino. Bioetiko traktas etikala questioni qui aparas dum la studii di vivala cienci, bioteknologio, medicino, politiko, yuro e filozofio.

Exempli pri questioni debatata en bioetiko esas: la limiti di la vivo (aborto, eutanazio), "utero-lokaco" (kande ula muliero aceptas, kambie pekunio od altra kompenso, genitar en elua utero e parturar filio konceptita kun ovulo de altra muliero qua ne povas parturar) l'atribuo di skarsa resursi medikala kande la quanto di kuracati esas plu granda kam la kapaceso por kuracar li, o la yurala limiti pri refuzar kuraco pro religiala o kulturala motivi. La skopo di bioetiko anke atingas bioteknologio, exemple la limiti pri posiblesi di modifiki en homala genomo, klonigo (nome homala klonigo), edc.