Ödön von Horváth

Ödön von Horváth
Profesiono:	skriptisto
Lando:	Austria
Naskodato:	9 di decembro 1901
Nasko-loko:	Sušak, Rijeka, Austria-Hungaria
Mortodato:	1 di junio 1938
Morto-loko:	Paris, Francia

Edmund (Ödön) Josef von Horváth, n. ye la 9ma di decembro 1901 en Sušak (hodiala Kroatia) til la 1ma di junio 1938 en Paris, esis Austriana-Hungariana skriptisto. Ödön von Horváth skribis en la Germana.

Vivo

Ödön von Horváth esis la filiulo dil Austriana-Hungariana diplomacisto Ödön Josef von Horváth (1874–1950) e di Maria Lulu Hermine naskinta Prehnal (1882–1959). Lua patro devenis de Slavonia qua apartenis lore a Hungaria.

Ye la yaro 1902 la familio translojis a Belgrade e ye la yaro 1908 a Budapest. Ödön von Horváth finis la skolo en Wien e studieskis en München, ma ilu ne finis sua studio. Ja dum sua studiado von Horváth skribeskis kom autoro.

Ödön von Horváth esis granda enemiko di nacionalsocialismo e pro to ekmigris de Germania. Ödön von Horváth mortis dum tempesto en Paris ye la 1 di junio 1938.

Verko

Ödön von Horvath komencis kom autoro di teatraji. Ilu anke skribis kritikala romani ed avertis pri la nacionalsocialismo. Lua maxim famoza verki esas la teatraji Geschichten aus dem Wiener Wald (Rakonti ek la Wiener Wald), Glaube Liebe Hoffnung (Kredo, amoro, espero) e Kasimir und Karoline (Kasimir e Karoline), ma anke lua romani Der ewige Spießer (L'eterna borgezacho), Jugend ohne Gott (Yuneso sen Deo) e Ein Kind unserer Zeit (Infanto di nia tempo).

Teatraji

• 1922 Das Buch der Tänze.
• 1923 Mord in der Mohrengasse.
• 1924 Niemand (ne publikigesis til la yaro 2016)
• 1926 Zur schönen Aussicht.
• 1926 Die Bergbahn (originale Revolte auf Côte 3018)
• 1929 Sladek der schwarze Reichswehrmann, 1929 (originale Sladek o Die schwarze Armee)
• 1929 Rund um den Kongreß
• 1930 Die Lehrerin von Regensburg
• 1931 Italienische Nacht
• 1931 Geschichten aus dem Wiener Wald
• 1932 'Glaube Liebe Hoffnung
• 1932 Kasimir und Karoline
• 1933 Die Unbekannte aus der Seine
• 1934 Hin und Her
• 1934 Mit dem Kopf durch die Wand
• 1936 Don Juan kommt aus dem Krieg
• 1936 Figaro lässt sich scheiden
• 1937 Pompeji. Komödie eines Erdbebens
• 1937 Ein Dorf ohne Männer
• 1937 Himmelwärts
• 1937 Der jüngste Tag.

Romani

• 1929 Sechsunddreißig Stunden
• 1930 Der ewige Spießer
• 1937 Jugend ohne Gott
• 1938 Ein Kind unserer Zeit
• 1938 Adieu Europa (fragmento)

Altra Prozo

• 1924-1926 Sportmärchen
• 1932 Interview
• 1932 Gebrauchsanweisung
• 1929 Stunde der Liebe,