Abidjan
| Abidjan | ||
| ||
| Kelk imaji pri Abidjan. | ||
| Lando: |  Ivora Rivo
| |
Informo:
| ||
| Latitudo: | 5°20'00" N[1] | |
| Longitudo: | 4°02'00" W[1] | |
| Altitudo: | 017 m | |
| Surfaco: | 2 119 km² | |
| Habitanti: | 6 231 017 (2021) | |
| Denseso di habitantaro: | 3000 hab./km² | |
| Horala zono: | UTC+0 | |
| Urbestro: | Beugré Robert Mambe | |
Mapo:
| ||
| ||
Oficala retosituo:
| ||
| www.districtabidjan.ci | ||
Abidjan esas l'ex-chef-urbo e maxim populoza urbo di Ivora Rivo. Segun la demografiala kontado di 2021, ol havis 6 231 017 habitanti, o cirkume 20% de la habitantaro di la lando. Ol ank esas la 6ma maxim populoza urbo de Afrika, dop Lagos, Kairo, Kinshasa, Dar-es-Salaam e Johannesburg. Lua tota surfaco esas 2.119 km².
Ol esis chef-urbo di Ivora Rivo de 1934 til 1983, kande la sideyo di guverno chanjesis a Yamoussoukro. Tamen, la maxim multa ambasadeyi restas en Abdijan.
Historio[redaktar | redaktar fonto]
Komence, Abdijan esis mikra vilajo habitita da peskisti del etnio Atchan. En 1896, pos serio di mortigiva epidemii di flava febro, Franci decidis movar la chef-urbo di lua kolonio a la nuna Abdijan.
Geografio[redaktar | redaktar fonto]
La reliefo di Abidjan esas plana, jacanta an la sud-estala rivo di la lando. L'urbo jacas apud la laguno Ébrié. L'aferala quartero Le Plateau esas la centro dil urbo, ensemble kun Cocody, Deux Plateaux (la maxim richa quartero dil urbo, ube rezidas diplomacisti) e la povra quartero Adjamé (norde de la laguno). La mezavalora relativa humideso sempre superiras 78% omna monati.
La klimato dil urbo esas tropikala sika e pluvoza (Aw segun la klimatala klasifikuro da Köppen), kun longa pluvoza sezono de marto til junio, e kurta pluvoza sezono de septembro til decembro. Dum tri monati (januaro, februaro ed agosto) plovas poke. La mezavalora yarala pluvo-quanto esas 1847,6 mm, e la maxim pluvoza monato esas junio, kun mezavalore 561,8 mm.
Fratala urbi[redaktar | redaktar fonto]
La fratala urbi di Abidjan esas:
- Tianjin,
PR Chinia - Marseille,
Francia - Sao Paulo,
Brazilia - San Francisco,
Usa - Alfortville, Francia
- Kumasi,
Ghana - Pontault-Combault, Francia
