Drenado

De Wikipedio
(Ridirektita de Dreno)
Irez ad: pilotado, serchez
Kanalo por drenar tereni proxim Brugge, Belgia.

Dreno esas l'evakuado naturala od artificala di aquo de la sulo o de la subsulo di ul areo. Kelkafoye, ta depreno di ecesi di aquo en kelk arei bezonesas, por permisar l'agrokultivo o l'establiso di habitanti.

Historio[redaktar | redaktar fonto]

Dum l'antiqueso, civilizesi an la valo dil fluvio Indo ja uzis sistemi pri dreno ed eskarto di kloakajo. Ta sistemi esis plu efikema kam la sistemi uzita dum Mezepoko en Europa, ed anke kam la sistemi ankore uzata en India e Pakistan.

Dum la prehistorio en Europa, la regiono inter Amsterdam, Haarlem e Leiden kovresis da multa lagi. L'extraktado di torfo dum yarcenti gradope permisis l'uniono di multa lagi por formacar granda lago konocita kom Haarlemmermeer. De fino di la 15ma yarcento en Nederlando uzesis sistemi di vento-muelili por movar aquo vers dreno-kanali. Drenado finis nur dum la 19ma yarcento kande vapora mashini komencis uzesar. La lago desaparis komplete de 1849 til 1852, e centi di km² divenis uzebla por agrokultivo e konstrukturi.

Uzo[redaktar | redaktar fonto]

Ultre Nederlando, altra regiono qua uzas multe dreno esas Florida, Usa, en la regiono di plantacaji di citrusi. Pos periodi di intensa pluvi, pumpili uzesas por drenar plantacaji ed impedar domajo di arbori.