Ekonomio di Equador
| Ekonomio di Equador | ||
|---|---|---|
| Pekunio | Dolaro di Usa | |
| Internaciona organizuri | MOK, Unasur, Comunidad Andina, PROSUR, ALADI | |
| Statistiki [1] | ||
| Totala nacionala produkturo (TNP) | US$ 260 213 milioni (2023) | |
| Rango TNP | 67ma[2] maxim granda | |
| Kresko di TNP | 2,36% (2023) | |
| TNP po persono | US$ 14 500,00 (2023) | |
| TNP segun sektoro | agrokultivo 7,7%, industrio 26,9%, servadi 59,7% (2023) | |
| Inflaciono | 1,5% (2024) | |
| Habitantaro sub la povreso-lineo | 25,2% (2022) | |
| Laboro-povo | 8 821 000 (2024) | |
| Laboro-povo segun okupo | agrokultivo 26,1%, industrio 18,4%, servadi 55,5% | |
| Chomeso | 4,8% (2024) | |
| Komercala parteneri [1] | ||
| Exportaci (US$) | 35 687 milioni (2023) | |
| Exportaci - precipua produkturi | kruda petrolo, krustacei, banani, fishi, oro (2023) | |
| Precipua parteneri | Usa 22%, Popul-Republiko Chinia 21%, Panama 12%, Japonia 3%, Peru 3% (2023) | |
| Importaci (US$) | 35 421 milioni (2023) | |
| Importaci - precipua produkturi | rafinita petrolo, gudro-oleo, automobili, medikamenti, plastiki (2023) | |
| Precipua parteneri | Usa 27%, Popul-Republiko Chinia 20%, Kolumbia 7%, Brazilia 4%, Peru 4% (2023) | |
| Publika financi [1] | ||
| Extera debo | 39 658 milioni (2023) | |
| Revenuo totala (US$) | 35 962 milioni (2022) | |
| Spenso totala (US$) | 35 347 milioni (2022) | |
| Noto: Ecepte kande kontree mencionata, valori en ca tabelo esas en Usana dolari | ||
L'ekonomio di Equador dependas multe de sua jaceyi di petrolo: en 2017, petrolo reprezentis cirkume 1/3 de publika revenui, e 32% del exportaci[3]. Banano ed altra agrokultivala produkturi, e la dolari sendita da ekmigranti qui rezidas en altra landi ank esas importanta. Equador esas la maxim granda exportacero di banani de la mondo (US$ 3,38 miliardi en 2017).
De 1999 til 2000 Equador subisis severa ekonomiala krizo, e la TNP deskreskis plu kam 6%. Pos la yaro 2000 Equador adoptis dolaro di Usa kom lua oficala valuto e l'ekonomio divenis stabila. De 2002 til 2006 la lando kreskis 5,5% omnayare, la maxim granda mezavalora ekonomiala kresko en 25 yari. Pos mikra kresko en 2007, la lando kreskis 6,4% en 2008. Inter 2014 e 2016, l'ekonomio kreskis mezavalore 4,3% po yaro. En 2017, kande Lenín Moreno asumis la prezidanteso, ilu lansis programo kun skopo augmentar la partopreno di privata koloko, nome en petrolala sektoro. Popul-Republiko Chinia divenis la precipua extera prestanto por Equador: nun, presti Chiniana reprezentas 77,7% del extera debo di la lando.
L'industrio koncentresas precipue en Guayaquil - la maxim granda industriala urbo di la lando - e Quito. Ol produktas precipue produkturi de petrolo, nutrivi, stofi, produkturi de ligno e kemiala produkturi.
Segun statistiki de 2022, 25,2% de la habitantaro vivis sub povreso-lineo[1].
Referi
[redaktar | redaktar fonto]- 1 2 3 4 Ecuador - The World Factbook - Publikigita da CIA. URL vidita ye 16ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ OPEC: Ecuador - Publikigita da OPEC. URL vidita ye 16ma di junio 2025. Idiomo: Angla.