Ekonomio di Equador
| Ekonomio di Equador | ||
|---|---|---|
| Pekunio | dolaro di Usa | |
| Internaciona organizuri | MOK, Unasur, ALADI, ONEP ed altri | |
| Statistiki [1] | ||
| Totala nacionala produkturo (TNP) | US$ 182,24 miliardi (2020) | |
| Rango TNP | 66ma[2] maxim granda | |
| Kresko di TNP | 2,4% (2020) | |
| TNP po persono | US$ 11 500 | |
| TNP segun sektoro | agrokultivo 6,7%, industrio 32,9%, servadi 60,4% | |
| Inflaciono | 0,2% (2019) | |
| Habitantaro sub la povreso-lineo | 21,5% (2019) | |
| Laboro-povo | 8 086 000 (2020) | |
| Laboro-povo segun okupado | agrokultivo 26,1%, industrio 18,4%, servadi 55,5% (2017) | |
| Chomeso | 4,6% (2019) | |
| Komercala parteneri [1] | ||
| Exportaci (US$) | 22 230 milioni (2020) | |
| Precipua parteneri | Usa 30%, Popul-Republiko Chinia 13%, Panama 8%, Chili 7% (2019) | |
| Importaci (US$) | 19 890 milioni (2020) | |
| Precipua parteneri | Usa 22%, Popul-Republiko Chinia 18%, Kolumbia 9%, Panama 5% (2019) | |
| Publika financi [1] | ||
| Extera debo | 50,667 miliardi (2019) | |
| Revenuo totala (US$) | 33,43 miliardi (2017) | |
| Spenso totala (US$) | 38,08 miliardi (2017) | |
| Noto: Ecepte kande kontree mencionata, valori en ca tabelo esas en Usana dolari | ||
L'ekonomio di Equador dependas multe del exportaci di petrolo, qui reprezentas plua kam la duimo di tota revenui kun exportaci, e cirkume 25% de la revenui dil publika sektoro.[1] Banano ed altra agrokultivala produkturi, ed anke la dolari sendita da ekmigranti qui rezidas en altra landi ank esas importanta.
L'industrio koncentresas precipue en Guayaquil - la maxim granda industriala urbo di la lando - e Quito. Ol produktas precipue produkturi de petrolo, nutrivi, stofi, produkturi de ligno e kemiala produkturi.
De 1999 til 2000 Equador subisis severa ekonomiala krizo, e la TNP deskreskis plu kam 6%. Pos la yaro 2000 Equador adoptis dolaro di Usa kom lua oficala valuto e l'ekonomio divenis stabila. De 2002 til 2006 la lando kreskis 5,5% omnayare, la maxim granda mezavalora ekonomiala kresko en 25 yari.[1] Pos mikra kresko en 2007, la lando kreskis 6,4% en 2008. Popul-Republiko Chinia divenis la precipua extera prestanto por Equador: nun la presti Chiniana reprezentas 77,7% del extera debo di la lando.[1]
Segun statistiki de 2019, 21,5% de la habitantaro vivis sub la povreso-lineo.[1]
Referi
[redaktar | redaktar fonto]- ↑ 1,0 1,1 1,2 1,3 1,4 - The World Factbook - Publikigita da CIA. URL vidita ye 10ma di aprilo 2022.
- ↑ https://www.cia.gov/the-world-factbook/field/real-gdp-purchasing-power-parity/country-comparison