Ekonomio di Jamaika

De Wikipedio
Ekonomio di Jamaika
Pekunio Dolaro di Jamaika
Internaciona organizuri MOK, Caricom
Statistiki [1]
Totala nacionala produkturo (TNP) US$ 27 136 milioni (2021)
Rango TNP 143ma[2] maxim granda
Kresko di TNP 4,6% (2021)
TNP po persono US$ 9 600 (2021)
TNP segun sektoro agrokultivo 7%, industrio 21.1%, servadi 71,9% (2017)
Inflaciono 5,86% (2021)
Habitantaro sub la povreso-lineo 17,1% (2016)
Laboro-povo 1 418 000 (2021)
Laboro-povo segun okupo agrokultivo 16,1%, industrio 16%, servadi 67,9% (2017)
Chomeso 9,18% (2021)
Komercala parteneri [1]
Exportaci (US$) 4 385 milioni (2021)
Precipua parteneri Usa 32%, Nederlando 11%, Germania 9%, Kanada 7%, Islando 7% (2019)
Importaci (US$) 7 414 milioni (2021)
Precipua parteneri Usa 43%, Popul-Republiko Chinia 11% (2019)
Publika financi [1]
Extera debo 13 876 milioni (2019)
Revenuo totala (US$) 4 382 milioni (2017)
Spenso totala (US$) 4 314 miliardi (2017)
Noto: Ecepte kande kontree mencionata, valori en ca tabelo esas en Usana dolari
Extraktado di bauxito en Jamaika.

Nun, la maxim importanta ekonomiala sektoro en Jamaika esas servadi, qui reprezentas plu kam 70% de lua totala nacionala produkturo.[1] La precipua fonti di extera valuto esas turismo, pekunio sendita da Jamaikani qui vivas exterlande, ed exportci di bauxito.[1] La pekunio sendita da Jamaikani qui rezidas exterlande reprezentas cirkume 40% de la TNP, kontre ke turismo reprezentas cirkume 20% de la TNP.

La lando esas vundebla ad uragani. Ol havas granda jaceyi di bauxito - ol esas la maxim granda produktero mondala -, e bona klimato e suli por agrokultivo. Dum la fino di la yari 2000a, la sektoro di alumino/bauxito afektesis dal deskresko di globala ekonomio, kontre ke la sektori di turismo e la pekunio sendita de exterlando ne afektesis multe. La kresko dil ekonomio en 2016 esis 1,6%, ma en 2017 ol kreskis nur 0,9%, pos violentoza pluvegi.

L'ekonomio di Jamaika afrontas granda defii por kreskar durante: alta krimino e korupto, granda chomeso e sub-employeso, e la granda proporciono di lua debo kompare lua TNP: 130%. Pagar l'interesti di la debo konsumas multe de la guvernala budjeto. La kreo di arei por libera komerco stimulis l'implantaco di industrii di vestaro ed altra lejera industrii. Tamen, dum la pasinta 5 yari, la revenui del exportaco di vestaro diminutis, multa fabrikerii klozesis e la chomeso augmentis.

Referi[redaktar | redaktar fonto]