Ekonomio di Japonia
| Ekonomio di Japonia | ||
|---|---|---|
| Pekunio | yen | |
| Internaciona organizuri | MOK, OKED, APEC, G7, G20 ed altri | |
| Statistiki [1] | ||
| Totala nacionala produkturo (TNP) | US$ 5 747 miliardi (2023) | |
| Rango TNP | 5ma[2] maxim granda | |
| Kresko di TNP | 1,68% (2023) | |
| TNP po persono | US$ 46 200,00 (2023) | |
| TNP segun sektoro | agrokultivo 1%, industrio 26,9%, servadi 71,4% (2022) | |
| Inflaciono | 2,7% (2024) | |
| Habitantaro sub la povreso-lineo | 16,10% (2013) | |
| Laboro-povo | 69 269 000 (2024) | |
| Laboro-povo segun okupo | agrokultivo 3.9%, industrio 26.2%, servadi 69.8% | |
| Chomeso | 2,6% (2024) | |
| Komercala parteneri [1] | ||
| Exportaci (US$) | 920 737 milioni (2023) | |
| Precipua parteneri | Usa 19%, Popul-Republiko Chinia 18%, Republiko Chinia 6%, Sud-Korea 6%, Hong Kong 4% (2023) | |
| Importaci (US$) | 989 843 milioni (2023) | |
| Precipua parteneri | Popul-Republiko Chinia 22%, Usa 11%, Australia 8%, Unionita Araba Emirii 5%, Saudi-Arabia 5% (2023) | |
| Publika financi [1] | ||
| Extera debo | 4 254 271 000 000 (2019) | |
| Revenuo totala (US$) | 661 986 milioni (2022) | |
| Spenso totala (US$) | 892 184 milioni (2022) | |
| Noto: Ecepte kande kontree mencionata, valori en ca tabelo esas en Usana dolari | ||
Dum la pasinta 70 yari, Japonia developis moderna ekonomio pro koopero inter guverno ed industriala sektoro, pro la forta laborala etiko di lua habitanti, la mastreso pri moderna teknologio, e pro la basa spenso (min kam 1% de la TNP) kun nacionala defenso. Du importanta traiti di lua ekonomio pos la duesma mondomilito esis la forta ligili inter produkteri, furniseri e distributeri, konocata kom keiretsu, e la granto di dumviva employo por granda parto dil urbala laboristi. Tamen, amba traiti derodis pro globala konkurenco, e la modifiko demografiala domestika. Un ek la fondinti di G7 ed un ek l'unesma membri di OKED, Japonia esis l'unesma lando di Azia judikita kom developita lando.
Nun, servadi reprezentas plua kam 70% de la totala nacionala produkturo. La lando anke havas la 4ma maxim granda konsumo-merkato. Lua automobilala industrio esas la 2ma maxim granda de la mondo.
Historio
[redaktar | redaktar fonto]Pos 1868 (Meiji-epoko) Japonia rapide industrieskis su. La lando adoptis kapitalist ekonomio kun libera merkato ed adoptis la formi di libera entraprezo de Unionita Rejio ed Usa. Japoniani komencis studiar exterlande ed exterala profesori recevis inviti por docar en Japonia. Rapide la lando divenis la maxim prosperoza ekonomio de Azia.
Lua ekonomio subisis granda destrukto dum la duesma mondomilito. Pos la milito, la koopero inter guvernerio helpis Japonia developar moderna ekonomio. Nun, la lando esas la 5ma maxim granda ekonomio del mondo.[1]
L'ekonomio montrabis eficienteso en exportaco-sektori, exemple teknologiala, tamen ne montris la sama en protektata sektori, exemple agrokultivo. Dum l'antea yardeki, Japonian ekonomio kreskis rapide. Ol kreskis cirkume 10% omnayare dum la yari 1960a, mezavalore 5% omnayare dum la yari 1970a e mezavalore 4% omnayare dum la yari 1980a.[3] Dum la yari 1990a la kresko lentigis e kreskis mezavalore 1.7% omnayare, nome por neefikema kolokadi e l'alta spekulado kun aktivi dum l'antea yardeko. To demandis tardiganta tempo por la firmi diminutar lia granda debi, aktivi e laboro-povo.
Referi
[redaktar | redaktar fonto]- 1 2 3 4 Japan - The World Factbook - Publikigita da CIA. URL vidita ye 12ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ http://www.country-data.com/cgi-bin/query/r-7176.html