Ekonomio di Rumania
| Ekonomio di Rumania | ||
|---|---|---|
| Pekunio | Rumana leu | |
| Internaciona organizuri | MOK, Europana Uniono, BSEC | |
| Statistiki [1] | ||
| Totala nacionala produkturo (TNP) | US$ 775 064 milioni (2023) | |
| Rango TNP | 34ma[2] maxim granda | |
| Kresko di TNP | 2,4% (2023) | |
| TNP po persono | US$ 40 700,00 (2023) | |
| TNP segun sektoro | agrokultivo 3,9%, industrio 26,7%, servadi 60,7% (2023) | |
| Inflaciono | -4,5% (2024) | |
| Habitantaro sub la povreso-lineo | 21,2% (2021) | |
| Laboro-povo | 8 215 000 (2024) | |
| Laboro-povo segun okupo | agrokultivo 28,3%, industrio 28,9%, servadi 42,8% | |
| Chomeso | 5,4% (2024) | |
| Komercala parteneri [1] | ||
| Exportaci (US$) | 136 488 milioni (2023) | |
| Precipua parteneri | Germania 19%, Italia 10%, Francia 6%, Unionita Rejio 5%, Hungaria 4% (2023) | |
| Importaci (US$) | 153 427 milioni (2023) | |
| Precipua parteneri | Germania 19%, Italia 8%, Hungaria 6%, Polonia 6%, Popul-Republiko Chinia 6% (2023) | |
| Publika financi [1] | ||
| Extera debo | 117 829 milioni (2019) | |
| Revenuo totala (US$) | 93 681 milioni (2022) | |
| Spenso totala (US$) | 110 163 milioni (2022) | |
| Noto: Ecepte kande kontree mencionata, valori en ca tabelo esas en Usana dolari | ||
Til 1989, Rumania esis komunista lando kun obsoleta industrio e produktado neadaptita a quon la lando bezonis. Pos la revoko di Nicolae Ceausescu, la lando facis transito al ekonomio di merkato. Pos 3-yara ekonomiala depreso dum la yari 1990a, lua ekonomio rekuperis su en 2000. De 2001 til nun, la kresko dil totala nacionala produkturo superiris 4% omnayare.
Ye la 1ma di januaro 2007, Rumania membreskis Europana Uniono, ma erste dum recenta yari la povreso komencis diminutar e la meza klaso pluforteskis. Korupto e burokratachismo duras desfaciligar aferal ambiento. Pos la globala krizo, Rumania signatis 26-miliard-dolara helpo-kontrato kun Internaciona Monetala Fonduro (IMF), tamen la diminuto di lua ekonomio duris til 2011. En marto 2011, Rumania, IMF e Mondala Banko signatis altra 6,6-miliard-dolara kontrato por stimular fiskala diciplino e stimular strukturala reformi. En septembro, 2013 altra 5,4-miliard-dolara vartanta kontrato signatesis.
_%E2%80%93_f_13102024.jpg)
Depos 2013 l'ekonomio kreskis impulsita dal granda exportaco di industriala produkturi, ecelanta agrokultivala rakolti e, plu recente, da fiskala politiki por stimular l'ekonomio en 2016 e 2017. Dum la quar yari ante la krizo di 2020 (pandemio di KOVID-19) l'ekonomio kreskis plua kam 4% omnayare: 4.8% en 2016, 7,1% en 2017, 4,4% en 2018, e 4,1% en 2019. En 2020, lua TNP po persono atingis 72% del averajo di Europana Uniono. En 2007 lua TNP po persono esis 44% del averajo di Europana Uniono. La lando esas granda produktero regionala en sektori di informala teknologio e produktado di motorizita vehili. Nun, exportaci por l'Europana Uniono reprezentas cirkume 70% del extera komerco Rumana.
Referi
[redaktar | redaktar fonto]- ↑ Romania - The World Factbook - Publikigita da CIA. URL vidita ye 13ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison