Ekonomio di Salvador

De Wikipedio
Salti al navigilo Irez a serchilo
Ekonomio di Salvador
Pekunio Dolaro di Usa
Internaciona organismi MOK, CAFTA-DR
Statistiki [1]
Totala nacionala produkturo (TNP) US$ 54,79 miliardi (2016)
Rango TNP 108ma[2] maxim granda
kresko dil TNP 2,4% (2016)
TNP per persono US$ 8 900 (2016)
TNP segun sektoro agrokultivo 10,6%, industrio 25,3%, servadi 64,1%
Inflaciono 0,6% (2016)
Habitantaro sub la povreso-lineo ne konocata
Laboro-povo 2 788 000 (2016)
Laboro-povo segun okupado agrokultivo 21%, industrio 20%, servadi 58%
Chomeso 5,5%
Komercala parteneri [1]
Exportacaji (US$) 5 335 milioni (2016)
Precipua parteneri Usa 48,3%, Honduras 14,2%, Guatemala 13,5%, Nikaragua 6,5%, Kosta Rika 4,7% (2015)
Importacaji (US$) 9 855 milioni (2016)
Importacajo - precipua produkturi raw materials, consumer goods, capital goods, fuels, foodstuffs, petroleum, electricity
Precipua parteneri Usa 37,9%, Guatemala 10,2%, Populala Republiko di Chinia 8,8%, Mexikia 7,6%, Honduras 6,3% (2015)
Publika financi [1]
Extera debo 16,32 miliardi (2016)
Revenuo totala (US$) 5 443 milioni (2016)
Spenso totala (US$) 6 318 milioni (2016)
Noto: Ecepte kande kontree mencionata, valori en ca tabelo esas en Usana dolari

L'ekonomio di Salvador esas la 4ma maxim granda de Central-Amerika, pos Panama, Kosta Rika e Guatemala.[2] Til la yari 1960ma, kafeo esis la precipua produkturo di exportacajo, ma pos la yari 1970ma e 1980ma altra agrokultivala e precipue manufakturala produkturi divenis plu importanta. La pesko developesis multe dum recenta yari, pos la kreo di pesko-entraprezi kun pekunio furnisita dal Banko Inter-Amerika pri Developo (BID). Parto ek la produkturo exportacesas, note krustacei.

L'ekonomio Salvadorana diminutis 3.1% en 2009 pro la globala deskresko ekonomiala, e pro la forta dependo dil exportacaji vers Usa. De 2010 til 2014 l'ekonomio kreskis min kam 2% omnayare, ma rekuperis de 2015 til 2016, kande kreskis 2,4%.[1] La pekunio sendita dal Salvadorani qui verkas exterlande reprezentis 17,1% de la TNP en 2016, e cirkume 1/3 ek la familii recevis ol.[1]

Plantacerio di kotono en Salvador.

En 2001 Salvador adoptis la dolaro di Usa kom monetaro, e perdis lua kontrolo super monetarala politiko[1]. La lando stimulis libera merkato e kolokado, e privatigis la sektori di telekomuniki, elektro, banki e la sistemo di pensioni[1].

Referi[redaktar | redaktar fonto]

  1. 1,0 1,1 1,2 1,3 1,4 CIA. The World Factbook. URL vidita ye la 16ma di oktobro 2017.
  2. 2,0 2,1 Country Comparison - GDP (Purchasing Power Parity). CIA - The World Factbook. URL vidita ye la 16ma di oktobro 2016.