Ekonomio di Tanzania
| Ekonomio di Tanzania | ||
|---|---|---|
| Pekunio | shilling di Tanzania | |
| Internaciona organizuri | MOK, Afrikana Uniono, Komunitato di Estal Afrika, SADC, AfCFTA (signatis) | |
| Statistiki [1] | ||
| Totala nacionala produkturo (TNP) | US$ 233 786 milioni (2023) | |
| Rango TNP | 70ma[2] maxim granda | |
| Kresko di TNP | 5,07% (2023) | |
| TNP po persono | US$ 3 600,00 (2023) | |
| TNP segun sektoro | agrokultivo 23,7%, industrio 28%, servadi 28,7% (2023) | |
| Inflaciono | 3,1% (2024) | |
| Habitantaro sub la povreso-lineo | 26,40% (2018) | |
| Laboro-povo | 32 983 000 (2024) | |
| Laboro-povo segun okupo | agrokultivo 66,9%, industrio 6,4%, servadi 26,6% | |
| Chomeso | 2,6% (2024) | |
| Komercala parteneri [1] | ||
| Exportaci (US$) | 13 980 milioni (2023) | |
| Precipua parteneri | India 15%, Unionita Araba Emirii 14%, Uganda 12%, Sudafrika 10%, Popul-Republiko Chinia 6% (2023) | |
| Importaci (US$) | 16 059 milioni (2023) | |
| Precipua parteneri | Popul-Republiko Chinia 32%, India 13%, Unionita Araba Emirii 9%, Saudi-Arabia 5%, Japonia 4% (2023) | |
| Publika financi [1] | ||
| Extera debo | 17 513 milioni (2023) | |
| Revenuo totala (US$) | 8 968 milioni (2019) | |
| Spenso totala (US$) | 10 017 milioni (2019) | |
| Noto: Ecepte kande kontree mencionata, valori en ca tabelo esas en Usana dolari | ||
Tanzania esas richa en naturala resursi, e la sektoro di turismo kreskabas rapide dum recenta yari. Depos 1985, lua ekonomio transitabas de centrale projetita ekonomio vers ekonomio di merkato. De 2010 til 2019, lua ekonomio kreskis mezavalore 6,3% omnayare, havanta un ek la maxim granda ekonomiala kreski de Afrika, ed un ek la maxim rapida de la mondo[3], tamen, pos kreskir 7,9% en 2011, la rapideso di la kresko diminutis dum la sequanta yari.[3]
En 2020, mem afektita da pandemio di KOVID-19, l'ekonomio di la lando kreskis 4,8%, la 2ma maxim granda ekonomiala kresko di estal Afrika ta yaro, dop Kenia. Ye la 7ma di septembro 2021, IMF aprobis urjanta financala suporto di US$ 567,25 milioni por suportar l'esforci pri kombato a la pandemio en la lando e kovrar kusti di atendi urjantala e humanala. Pos la pandemio, sektori di gastigo di turisti, produktado di elektro, minado e transporti rekuperis su rapide. En 2021 l'ekonomio kreskis per 4,32%, en 2022 ol kreskis per 4,57% ed en 2023 ol kreskis per 5,07%[1].
Agrokultivo - nome kafeo, teo e kotono - reprezentas cirkume 1/4 de la TNP, ed employas plu kam 60% de la laboro-povo.[1] Cirkume 16,4% de la tereni esas kultivebla[4]. En 2018, Tanzania produktis 5,9 milion tuni di maizo, 5 milion tuni di manioko, 3,8 milion tuni di patato, 3,4 milion tuni di banano, 3 milion tuni di rizo, 3 milion tuni di sukrokano, 1,7 milion tuni di potato e 1,2 milion tuni di fazeolo, inter altri. Tamen, pro la forta dependo de agrokultivo, l'ekonomio di la lando esas multe vundebla a klimatala problemi ed a la vario dil internaciona preci di lua produkturi. La manko di konoco dil agrokultivisti, sikesi, inundadi o la vario di temperaturi povas domajar la vivo-stando ed augmentar chomeso, hungro e desnutrado.
Industrio reprezentis 28% de la TNP en 2023[1], e la precipua industrial agadi esas transformo di produkturi de agrokultivo (sukrala industrio, produktado di biro, sigareti, kordeti ek agavo), minado (diamanto, oro, fero), salo, sodo-cindro, cemento, rafino di petrolo, shui, vestaro, produkturi ek ligno, ed artificala dungo[1].
Referi
[redaktar | redaktar fonto]- 1 2 3 4 5 6 7 Tanzania - The World Factbook - Publikigita da CIA. URL vidita ye 14ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- 1 2 The Economy of Tanzania - 2021 Update - Publikigita da TanzaniaInvest. URL vidita ye 13ma di aprilo 2023. Idiomo: Angla.
- ↑ Arable land (% of land area) | Data - Publikigita da data.worldbank.org.
| Ekonomii di nedependanta landi en Afrika |
| Angola | Benin | Botswana | Burkina Faso | Burundi | Centrafrika | Chad | Demokratial Republiko Kongo | Djibuti | Egiptia | Equatorala Guinea | Eritrea | Eswatini | Etiopia | Gabon | Gambia | Ghana | Guinea | Guinea-Bisau | Ivora Rivo | Kabo Verda | Kamerun | Kenia | Komori | Kongo | Lesotho | Liberia | Libia | Madagaskar | Malawi | Mali | Maroko | Maurico | Mauritania | Mozambik | Namibia | Nigeria | Nijer | Ruanda | San-Tome e Principe | Senegal | Sierra Leone | Seycheli | Somalia | Sudafrika | Sudan | Sud-Sudan | Tanzania | Tunizia | Togo | Uganda | Zambia | Zimbabwe |