Francis Rossi
| Francis Rossi | ||
| ||
| Profesiono: | kantisto, kansonifero e muzikisto | |
| Lando: |  Anglia
| |
| Naskodato: | 29 di mayo 1949 | |
| Nasko-loko: | Forest Hill, London, Anglia | |
| Retoloko: | https://www.francisrossi.com/ | |
Francis Dominic Nicholas Michael Rossi, OBE (n. 29ma di mayo 1949) esas angla kantisto, kansonifero e muzikisto.
Il esas konocata kom la kun-fondinto, kantisto e gitaristo dil rock-bando Status Quo.
Rossi naskis ye 29ma di mayo 1949 en Forest Hill, London. La patrala latero di lua familio esis Italiana kremoglacio-komercisti, e lua matro esis nord-Irlandana katoliko de Liverpool. Rossi kreskis en familio kun sua genitori, avino, e "multa onklini ed onkluli"; ilua puereso esis katolika, ed il nomizesis pro Santa Franciscus de Assisi.
Il frequentis la skoli Our Lady and St Philip Neri Roman Catholic Primary en Sydenham, e pose Sedgehill Comprehensive, de ube il ekpulsesis ye sua lasta dio. En Sedgehill Rossi renkontris Alan Lancaster, kun qua il formacis la bando "The Scorpions" - preirinto di Status Quo. Lua deziro divenar muzikisto komencis kande il spektis pleo da The Everly Brothers ye televiziono ye yuna evo, ed il pregis sua genitori komprar gitaro por lu lor Kristnasko.
En 1967, la frua bando-nomo Traffic Jam chanjesis a "The Status Quo", ma pose kareesis la definita artiklo. Rossi skribis la kansono "Pictures of Matchstick Men", qua atingis la rangi en Britania ed Usa. Kurte pose, Rick Parfitt adheris a la bando, kompletigante l'originala membraro, e komencante preske 50-yara partenereso kun Rossi til la morto di Parfitt en 2016.
Pos kelka yari de poka suceso, la bando divenis famoza en 1972 per sua albumo Piledriver che Vertigo Records kun "Paper Plane", kansono skribita da Rossi e Bob Young. Rossi divenis famoza kom la karismoza kantisto. Status Quo duris juar granda suceso en Britania, Europa, Japonia, Australia e Nova-Zelando dum la yari 1970ma e 1980ma. Li apertis la koncerto Live Aid en 1985, e Rossi kompozis o kun-kompozis lia maxim famoza kansoni, inkluze "Caroline" e "Down Down". Rossi e Parfitt esis la sola restanta originala membri en la bando til la morto di Rick Parfitt en 2016. En 2013 e 2014, Rossi e Parfitt riunionis su kun l'originala bandani Lancaster e Coghlan por serio de koncerti dil turo "Frantic Four". Til hodie, Status Quo vendis plu kam 128 milion diski cirkum la mondo.
Verki
[redaktar | redaktar fonto]- King of the Doghouse (1996)
- One Step at a Time (2010)
- We Talk Too Much (2019)