French Connection

De Wikipedio
Salti al navigilo Irez a serchilo
Voyi di la French Connection

La French Connection (lit. franca konekto), kelkafoye la Corsican Connection (lit. korsikana konekto), esas la generala nomo di omna aganti en la exportaco di heroeno* ad Usa de Francia.

Malgre populara kompreno, ol esis ne unika organizuro, ma multa reti ed esquadi lokizita grandaparte en Marseilles e Paris, ultre altra urbi quala Bordeaux e Le Havre.  Importacita aden Francia del Esto (Turkia, Indochinia, Siria), la morfin-bazo lore transformesis aden heroeno* en laboratorii maxim ofte en suda Francia, e fine transportesis ad Usa e Kanada.  Franca komerceri esis tatempe la precipua provizeri di usana kriminala organizuri, e Korsikana organizita krimino pleis centrala rolo.

Ante 1939 la Korsikana uniono jeris la transferi di opiumo e heroeno* inter Indochinia unlatere, Shanghai por Chinia, e Marseilles por Europa, quale explikita da Étienne Fiori.  Ica sistemo relayesis da la Marseilleana banditi Paul Carbone e François Spirito en la yari 1930, limitizita-skale.

Ante la explozo dil merkato en le 1950 e 1960, dum la regno di Antoine Guérini, kande omna reti dil French Connection sendis mezvalore 270 kilogrami de heroeno* monatale ad Usa.  En 1970, la komerco dil French Connection esis evaluite inter 40 e 44 tuni yarale, reprezentinte 80% de usana heroen-konsumo.

Auguste Ricord, François Spirito, Jean-Baptiste Croce, Joseph Cesari (la "kemiisto" por la preparo dil heroeno*), Paul Mondoloni, Jean-Claude Kella, Jean-Paul Angeletti, Salvatore Greco e Nick Venturi esis inter la figuri importanta dil French Connection.  La French Connection komercis kun la mafio-komandanti Lucky Luciano e Meyer Lansky.  On pluse alegas ke la French Connection esis financizata per la pekunio di la Carlingue per Auguste Ricord, agento di Lafont.