Macapá

De Wikipedio
Salti al navigilo Irez a serchilo
Macapá
Noite em Macapá AP.jpg
Macapá dum la nokto.
Bandeira Macapa AP.jpg Brasão de Macapá.jpg
Standardo Blazono
Lando: Flag of Brazil.svg Brazilia
stato: Amapá
Informo:
Latitudo: 00º02'18"S
Longitudo: 51º03'59"W
Altitudo: 14 m
Surfaco: 6407 km²
Habitanti: 415 554 (2012)
Denseso di habitantaro: 64,9 hab./km²
Horala zono: UTC-3
Urbestro: Clécio Luís (PSOL) (2013 - )
Mapo:
Mapo di Macapá
Oficala retosituo:
www.macapa.ap.gov.br

Macapá esas chef-urbo di Braziliana stato Amapá. Ol jacas apud l'Amazon-fluvio. Segun statistiki de 2012, ol havis 415 554 habitnti. Lua tota surfaco esas 6 563 km².

Ol esas l'unika Braziliana urbo qua ne ligesas al altra Braziliana chef-urbi, note Brasilia, per choseo. Ol distas 345 km de Belém per aeroplano.

Historio[redaktar | redaktar fonto]

Fortreso São José de Macapá, konstruktita de 1764 til 1782.

L'unesma nomo di la regiono di nuna Macapá esis Adelantado de Nueva Andalucía, nam ol apartenis ad Hispania. La regiono cedesis a Portugal en 1750, per la Kontrato di Madrid.

Francisco Xavier de Mendonça Furtado fondis Macapá ye la 4ma di februaro 1758. En 1836 Francia kreis militarala bazo apud lago la Amapá, ma abandonis ol pro Britaniana interveno. En 1853 Braziliana senatano Cândido Mendes de Almeida propozis krear provinco en la regiono, Oiapóquia. En 1886 Franca aventureri probis krear nedependanta republiko en la regiono, sensucese. Franca aventurero Jules Gros instalis la "guverno" di la "republiko di Cunani" en lua apartamento en Paris, ma nula lando agnoskis ol. Mem la Franca guverno dissolvis ta "republiko". En 1901 altra aventurero, Adolphe Brezet, sensucese probis rikrear la "Republiko di Cunani".

Kande Brazilia divenis republiko la situo en la regiono di Amapa esis kaozala. Lokala habitanti elektis tri reprezenteri por guvernar la regiono: Francisco Xavier da Veiga Cabral, Domingos Maltês, e Desidério Antônio Coelho. Francia anke indikis guberniestro por la regiono, e eventis kombati. Fine, per kontrato signatita ye la 1ma di decembro 1900 Amapá definitive donesis a Brazilia.

Kande Amapá separesis de Pará, Macapá divenis chef-urbo dil teritorio. Ye la 5ma di oktobro 1988, ol divenis chef-urbo dil stato.

Geografio[redaktar | redaktar fonto]

L'Equatoro trairas Macapá. La klimato dil urbo esas equatorala, varma e humida kun intensa pluvi dum tota yaro.