Miguel Arraes

De Wikipedio
Irez ad: pilotado, serchez
Miguel Arraes
Miguel Arraes.jpg
{{{Imajoinformo}}}
Profesiono:
Okupeso: politikisto[*], advokato
Sexuo: maskula[*]
Lando: Brazilia
Naskodato: 15 di decembro 1916
Naskoloko:
Mortodato: 13 di agosto 2005
Mortoloko:
Kauzo di morto:
Spozo:
Filio: Guel Arraes[*], Ana Arraes[*]
Patrino:
Patrulo:
Fratino:
Fratulo:
Premio ganita:


Miguel Arraes de Alencar (1916 til 2005) esis Braziliana politikisto de la Socialista Partiso di Brazilia (Partido Socialista Brasileiro - PSB, en la Portugalana). Il esis urbestro di Recife, federala deputato e plurfoye guberniestro di Pernambuco.

Biografio[redaktar | edit source]

Yuneso[redaktar | edit source]

Il naskis en Araripe, Ceará, ed evante 17 yari il komencis studiar yuro-cienco en l'Universitato di Brazilia (nune Federala Universitato di Rio de Janeiro - UFRJ) e finis la studiado en Recife. En 1947 il divenis Sekretario pri Financo en Pernambuco, danke lua amiko Barbosa Lima Sobrinho[1], qua laboris kun il.

Politikala kariero til la stato-stroko en 1964[redaktar | edit source]

En 1962 il esis elektesis kom guberniestro di Pernambuco per obtenar 47,98% del tota votaro por la Social Laborista Partiso (PST) kun la helpo da la Komunista Partiso di Brazilia (qua esis lore ne-legala) e da sektori de la Sociala Demokrata Partiso (PSD), e kontre sektori dil oligarkio rurala, reprezentita dal kandidato João Cleofas, de Nacionala Demokratiala Uniono (UDN). La guverno da Miguel Arraes judikesis kom sinistrana, pro ke lu obligis rurala proprietanti pagar minima salario a rurani qui laboris en lia domeni.

Lor la militala stato-stroko la trupi dil 4ma armeo cernis la guvernala palaco ye la 1ma di aprilo 1964 e postulis renunco da Arraes. Il refuzis ed enkarcerigesis en la sama dio. Il sendesis a Fernando de Noronha kom karcerano e pose a Rio de Janeiro. Pos recevar habeas corpus il exilesis en Aljeria.

Politikala kariero pos l'amnestio[redaktar | edit source]

En 1979 lor politikala amnestio, Miguel Arraes retroiris a Brazilia. En 1982 il elektesis kom federala deputato por la Braziliana Partiso pri Demokratiala Movado (PMDB). En 1986 il itere elektesis kom guberniestro di Pernambuco.

En 1990 il itere eniris PSB ed en 1994 elektesis kom guberniestro di Pernambuco por la 3ma foyo, evante 78 yari. Arraes esis forta antagonisto di la politiko di Fernando Henrique Cardoso. Dum lua lasta guverno eventis krizo en la polico di Pernambuco ed en la financi dil stato. En 1998 il konkursis kontre Jarbas Vasconcelos itere por la gubernio di Pernambuco ma il vinkesis.

En 2002 il kandidateskis kom federala deputato e vinkis l'elekto. Fine di ta yaro, il sustenis Lula kom kandidato al prezidanteso.

Arraes mortis ye la 13ma di agosto 2005.

Referi[redaktar | edit source]