Montevideo

De Wikipedio
Irez ad: pilotado, serchez
Montevideo
Montevideo collage.JPG
Kelk imaji pri Montevideo.
Coat of arms of Montevideo Department.svg
Blazono di Montevideo
Lando: Flag of Uruguay.svg Uruguay
Informo:
Latitudo: 34°53'01" S
Longitudo: 56°10'55" W
Altitudo: 43 m
Surfaco: 201 km²
Habitanti: 1 319 108 (2011)
Denseso di habitantaro: 6.726 hab./km²
Horala zono: UTC-3
Urbestro: Daniel Martínez
Mapo:
Mapo di Montevideo
Oficala retosituo:
www.montevideo.gub.uy
La Palaco Salvo e la statuo kavalkante pri José Gervasio Artigas, en la Placo Independencia.

Montevideo esas la chef-urbo di Uruguay. Segun la demografiala kontado di 2011, ol havis 1 319 108 habitanti, t.e. cirkume 1/3 ek la totala habitantaro di la lando. Lua urbala surfaco esas 201 km². Ol jacas an la suda litoro di Uruguay, an la nordala rivo dil fluvio Plata.

L'urbo fondesis en 1724 dal Hispana soldato Bruno de Zaballa, quale strategiala loko por protektar la regiono dil fluvio Plata, lor disputita inter Hispania e Portugal. En 2018 la reporto Mercer konsideris Montevideo la maxim bona urbo segun vivo-qualeso de Sud-Amerika, esante la 77ma maxim bona de la mondo.[1]

Existas multa hipotezi pri l'origino dil nomo dil urbo. Omna kredas ke "Monte-" signifikas "monto" o "kolino", specifike la kolino Cerro de Montevideo. Un ek l'expliki esas ke Montevideo forsan signifikas "Me vidis la monto" (de Portugalana frazeto monte-vide-eu). Altra esas ke en ula mapo skribesis Monte-VI-d-E-O ("la 6ma monto vidita kande on iras de Esto til Westo").

Geografio[redaktar | redaktar fonto]

Montevideo vidita de la kolino Cerro de Montevideo.

Montevideo jacas an la norda rivo dil fluvio Plata, la "brakio" dil Atlantiko qua separas Uruguay de Arjentinia. Buenos Aires distas 230 km weste, an la dextra rivo dil fluvio Plata. La bayo di Montevideo formacas naturala portuo, la maxim granda de Uruguay ed un ek la maxim granda de Sud-Amerika.

La reliefo dil urbo esas plana, kun mezavalora altitudo di 43 metri. Lua maxim alta punto, la kolino nomizita Cerro de Montevideo jacas 134 metri super la marala nivelo.

La klimato dil urbo esas humida subtropikala (Cfa segun la klimatala klasifikuro di Köppen). La mezavalora temperaturo en januaro (somero) esas 23°C, dum ke la mezavalora temperaturo en julio (vintro) esas 10,9°C. La minima temperaturo enrejistrita en lua historio esis -5,6°C, dum ke la maxima temperaturo enrejistrita esis 42,8°C.[2]

La mezavalora yarala pluvozeso esas 1101,2 mm, e la maxim pluvoza monato esas oktobro, kun mezavalore 108,5 mm.

Referi[redaktar | redaktar fonto]

  1. Mercer|Quality of Living Ranking 2018 (en Angla). URL vidita ye la 12ma di mayo 2018.
  2. RECORDS METEOROLOGICOS EN EL URUGUAY (en (Hispana)). URL vidita ye la 12ma di mayo 2018.