Unesma Balkanana milito
| Unesma Balkanana milito | |||
| |||
| Imaji pri l'unesma Balkanana milito. | |||
| Dato: | de la 8ma di oktobro 1912 til la 30ma di mayo 1913 | ||
| Loko: | Balkano ed Egea maro | ||
| Rezulto: | Balkanana Ligo vinkis Otoman imperio ed okupis lua teritorii en Europa. | ||
 Bulgaria Serbia Grekia Montenegro
|
↔ | Otoman imperio | |
| Nikola la 1ma di Montenegro Radomir Putnik Petar Bolovic Stepa Stepanovic Vladimir Vazov Konstantinos la 1ma di Grekia Panagiotis Danglis Pavlos Kountouriotis |
↔ | Mehmed la 5ma dil Otoman imperio Kâmil Pasha Nazim Pasha Esad Pasha (kapitulacis) Ali Riza Pasha Hasan Riza Pasha † | |
| 35 mil Montenegrani 230 mil Serbiani 300 mil Bulgari 115 mil Greki |
↔ | 250 mil | |
| 108 mil mortinti o vunditi | ↔ | 340 mil mortinti, vunditi o kaptiti | |
L'unesma Balkanana milito esis militala konfronto eventinta de 1912 til 1913 inter nacioni qui formacis tale nomizita "Balkanana Ligo" (Bulgaria, Grekia, Montenegro e Serbia) kontre Otoman imperio. La skopo di la ligo esis ekpulsar Otomani de Europa e partigar Balkanana teritorii. La milito finis kun la vinkeso dil imperio, militale inferiora a la Ligo. Tamen, la deskonsenti inter li efektigis nova militala konflikto, la duesma Balkanana milito. La milito komencis oficale ye la 8ma di oktobro 1912 e finis ye la 30ma di mayo 1913 per paco-kontrato signatita en London.
Serbia, suportita da Rusia, kreis serio di federi kun la cetera Balkanana nacioni en 1912, kun skopo kaptar teritorii del Otoman imperio jacanta an la peninsulo.[1] Ol establisis militala federo kun Bulgaria ye la 13ma di marto. Bulgaria federis kun Grekia ye la 29ma di mayo, e Montenegro unionis su a la ligo inter septembro ed oktobro.[1] La milito kontre Otoman imperio, lor okupita kun la milito Italiana-Turka, komencis ye la 8ma di oktobro, kun atako Montenegrana kontre Novi Pazar, sequita per atako da Bulgara trupi en Trakia.[1] Ye la fino di la monato, Bulgari vinkabis Otomani en Lüleburgaz e siejabis Adrianopolis, samatempe kam avancis vers la chef-urbo dil imperio, Konstantinoplo.[1] Li haltis ante la defenso-lineo di Çatalca, distanta 30 kilometri weste del urbo.[1] Samatempe, Serbi eniris Makedonia e Kosovo, ed unionis su a Montenegran armei qui avancis deweste.[1] La 2ma Armeo Otomana, vinkita, retretis vers Albania dum la komenco di novembro. Greki marchis adnorde ye la 8ma di novembro e kaptis Salonika.[1] En min kam 2 monati, la Ligo vinkabis Otomani en tota Europa, e kaptis omna ek lua Balkanana teritorii.[1] En decembro, signatesis armistico qua tempale finis la kombati.[2]
Paco-negocii komencis en London dum la duimo di decembro 1912.[1] Tamen, la deziro di la nova guvernerio Turka pri mantenar Adrianopolis, impozita da Yuna Turki en januaro 1913, frustris li.[1] Konseque, la kombati durigis en februaro.[1] Bulgari probis sensucese ruptar la defensi di Konstantinoplo en marto.[1] Altralatere, l'intenci Otomana pri sokursar Adrianopolis, lor siejita, faliis, e l'urbo kapitulacis ye la 28ma di marto.[1] Paco-negocii itere durigis, e d ye la 10ma di junio signatesis pakto en London.[1] Segun ca pakto, Otomani perdis tota Europana teritorii konquestita depos la 15ma yarcento, ecepte Konstantinoplo e lua vicinesi.[1] Tamen, ye la fino di la monato, deskonsenti inter membri di Balkanana Ligo pri la divido di la konquesti efektigis la duesma Balkanana milito.[1]
Referi
[redaktar | redaktar fonto]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 Erickson, Edward J.:Ordered to Die: A History of the Ottoman Army in the First World War. Publikigita da Greenwood Press. Dato di publikigo: 2001.
- ↑ Wasti, Syed Tanvir:The 1912-13 Balkan Wars and the Siege of Edirne Publikigita da Middle Eastern Studies pagini=59-78. Dato di publikigo: 2004. Idiomo: Angla.