Michael Jackson

De Wikipedio
Irez ad: pilotado, serchez
Michael Joseph Jackson
Michael Jackson 1984.jpg
Profesiono: Kantisto, kompozisto e muzikala produktisto
Lando: Flag of the United States.svg Usa
Nasko-dio: 29 di agosto 1958
Nasko-loko: Gary, Indiana
Morto-dio: 25 di junio 2009
Morto-loko: Los Angeles, Kalifornia, Usa

Michael Joseph Jackson (1958 til 2009) esis notora Usana kantisto di r&b e pop, ed anke kompozisto e muzikala produktisto.

Biografio[redaktar | edit source]

Naskinta en Gary, Indiana Michael esis la 8ma di dek infanti. Lia matro, Katherine Esther Scruse, esis devocoza di Jehova testi, e lia patro Joseph Walter "Joe" Jackson laboris en un fabrikerio. Michael havis 3 fratini: Rebbie, La Toya e Janet, e 5 fratuli: Jackie, Tito, Jermaine, Marlon, e Randy[1]. Un fratulo, Brandon, mortis balde pos naskar[2]

Ye 1964 Michael e Marlon unionis en la grupo The Jackson Brothers - formita da fratuli Jackie, Tito e Jermaine - kom suport-kantisti e muzikisti. Evanta 8 yari, Michael komencis dividar la precipua vokali dil grupo kun Jermaine, e la grupo esis rinomizita The Jackson 5[1]. La grupo atingis suceso en fino di 1960a yari. Motown enrejistris l'unesma fonografuri dil grupo.

Ye 1979 Quincy Jones produktis por Michael lia unesma disko solo, Off the Wall. Malgre la komercala suceso, Michael decidis superigar Off the Wall kun lia sequanta albumo, e Thriller (1982) atingis 29 milioni di kopii en Usa e, til nun 110 milioni di kopii en tota mondo. Ye 1983 Michael rijuntis lia fratuli por homajar la 25 yari di Motown. La spektaklo esis prezentita ye 16 di mayo 1983 por 47 milioni di personi da televiziono.

Pepsi, 1984 e komercala kariero[redaktar | edit source]

Ye 27 di januaro 1984 dum la rekordo di un anunco por Pepsi, Michael sufris acidento kun petardeto, qua incendiis lia haro, e sufris ekimoso en lia kranio-pelo. Jackson nulatempe rekuperis su de ta acidento.

Ye 1985 il skribis We Are the World kun Lionel Ritchie, por helpar la povri en Usa ed en Afrika. La muziko vendis 30 milioni di kopii, e ganis 4 Grammy la sequanta yaro.

Ye 1986 la tabuletatra jurnali lanis la historio ke Michael dormis en hiperpresada oxo chambro. Malgre esis mentio, Michael propra dissemis ta rumoro[2]. Sequanta yaro, Michael lansis l'albumo Bad, qua vendis til 2008 30 milioni di kopii. Ye 1991 il lansis Dangerous, qua vendis 7 milioni di kopii til 2008.

Ye 1993 Michael Jackson esis akuzita por unesma foyo di esar pedofilo. La sequanta yaro il mariajis en sekreto kun Lisa Marie Presley, filiino di Elvis Presley. Ye 1995 il lansis l'albumo HIStory, qua vendis 20 milioni di kopii[3].

Ye 2001 il lansis l'albumo Invincible. Ye 2003 il nove esis akuzita di pedofilio, ed esis absolvita ye 2005.

Ye marto 2009 Michael Jackson anoncis en London un serii di retroveno koncerti kun la titulo "This is It". L'iniciala ideo esis 10 koncerti en London, ed anke en Paris, New York e Mumbai, e la koncerti komencus ye 13 di julio 2009 e finus ye 6 di marto 2010. Min ke 3 semani ante la komenco, Michael Jackson mortis pro kordiala aresto en lia domo, ye 25 di junio 2009.

Referi[redaktar | edit source]

  1. 1.0 1.1 [Michael Jackson: The Ultimate Collection George Nelson, 2004
  2. 2.0 2.1 Michael Jackson: The Magic, The Madness, The Whole Story, 1958–2009. J. Randy Taraborrelli, 2009
  3. http://www.msnbc.msn.com/id/15529981/