São Luís, Maranhão
| São Luís | ||
| ||
| Kelk imaji pri São Luís. | ||
|
| |
| Standardo | Blazono | |
| Lando: |  Brazilia
| |
| Stato: | Maranhão | |
Informo:
| ||
| Latitudo: | 2° 31' 48" S | |
| Longitudo: | 44°18'10"W | |
| Altitudo: | 4 m | |
| Surfaco: | 583 km² | |
| Habitanti: | 1 037 775[1] (2022) | |
| Denseso di habitantaro: | 1780,1 hab./km² | |
| Disto de Brasília: | 1993 km | |
| Horala zono: | UTC-3 | |
| Urbestro: | Eduardo Braide (PSD, 2021 – 2024) | |
Mapo:
| ||
| ||
Oficala retosituo:
| ||
| https://www.saoluis.ma.gov.br | ||
São Luís esas chef-urbo di Braziliana stato di Maranhão. Segun la demografiala kontado di 2022 ol havis 1 037 775 habitanti[1], esanta la maxim populoza urbo di Maranhão e la 4ma maxim populoza urbo di Nord-estala regiono Braziliana. Lua tota surfaco esas 583 km².
Ol esas importanta industriala centro, pro ke multa granda entraprezi instalis su en la regiono. Lua portuo, nomizita Itaqui, esas la 2ma maxim profunda de Brazilia, ed uzesas por exportaco di fer-erco e soyo ad Usa ed Europa. L'indexo pri homala developeso dil urbo segun datumi de 2010 esas 0,768, la 3ma maxim alta inter la chef-urbi di nord-estala stati. Nun, turismo ank esas importanta fonto di revenui por la urbo, nome pro sua plaji, qui esas multe prizata da viziteri.
L'urbo havas quar importanta publika universitati: La Federala Universitato di Maranhão (UFMA), la Statala Universitato di Maranhão (UEMA), l'Instituto Statala pri Eduko, Cienco e Teknologio di Maranhão (Portugalane: Instituto Estadual de Educação, Ciência e Tecnologia do Maranhão) e la Federal Instituto di Maranhão.
Fondita en 1612, São Luís esas la sola chef-urbo di stato en Brazilia fondita da Franci, pose okupita da Portugalani, invadita da Nederlandani en 1641 ed itere kaptita da Portugalani en 1644. En 1997, lua historiala centro deklaresis Mondala Patrimonio di la Homaro, da UNESKO.
Geografio
[redaktar | redaktar fonto]
La reliefo di São Luís esas plana, havanta multa plaji, duni e basa arei konsistanta ek sedimenti. L'urbo okupas parto dil insulo Upaon-Açu, e kelka insuleti vicina, exemple Tauá-Mirim e Tauá Redondo. Lua mezavalora altitudo esas 4 metri.
Existas fluvii trairanta São Luís. La maxim importanta esas fluvio Bacanga, longa de 233,84 kilometri, ed Anil, longa de 12,63 km. São Luís jacas an la limito di du ekosistemi: l'Amazoniana e la Nordestana. Nativa vejetantaro prezervesas en parki, exemple Statala Parko Bacanga, kun 3 156 hektari, l'Ekologiala Parko "Laguno Jansen", kun 150 hektari, e la Statala Parko Sítio do Rangedor, kun 121 hektari.
La klimato di São Luís esas tropikala varma e humida (Am segun la klimatala klasifikuro da Köppen) an la limito kun la klimato di savano (As). La mezavalora temperaturo dum tota la yaro esas cirkume 26,1°C.
La mezavalora yarala pluvo-quanto dil urbo esas 2290 mm. Pluvas dum la maxim multa monati, plu intense de januaro til la duimo di mayo e maxime en aprilo, kun mezavalore 475,9 mm. Tamen, existas sika sezono de agosto til novembro. L'atmosferala humideso sempre superiras 70% dum tota la yaro, mem dum sika monati, ed atingas 90% en aprilo.
Referi
[redaktar | redaktar fonto]- ↑ 1,0 1,1 População em São Luís (MA) é de 1.037.775 pessoas em 2022; houve crescimento 2,21% em relação a 2010 - Publikigita da G1. Dato di publikigo: 28ma di junio 2023. Idiomo: Portugalana.