Ekonomio di Bangladesh
| Ekonomio di Bangladesh | ||
|---|---|---|
| Pekunio | Taka | |
| Internaciona organizuri | MOK, SAFTA, SAAC ed altri | |
| Statistiki [1] | ||
| Totala nacionala produkturo (TNP) | US$ 1 413 000 milioni (2023) | |
| Rango TNP | 23ma[2] maxim granda | |
| Kresko di TNP | 5,78% (2023) | |
| TNP po persono | US$ 8 200,00 (2023) | |
| TNP segun sektoro | agrokultivo 11%, industrio 34,6%, servadi 51,1% (2023) | |
| Inflaciono | 10,5% (2024) | |
| Habitantaro sub la povreso-lineo | 18,7% (2022) | |
| Laboro-povo | 77 355 000 (2024) | |
| Laboro-povo segun okupo | agrokultivo 42,7%, industrio 20,5%, servadi 36,9% (2016) | |
| Chomeso | 4,7% (2024) | |
| Komercala parteneri [1] | ||
| Exportaci (US$) | 47 287 milioni (2023) | |
| Precipua parteneri | Usa 16%, Germania 15%, Unionita Rejio 8%, Hispania 7%, Polonia 6% (2023) | |
| Importaci (US$) | 72 996 milioni (2023) | |
| Precipua parteneri | Popul-Republiko Chinia 34%, India 17%, Indonezia 5%, Singapur 5%, Malaizia 4% (2023) | |
| Publika financi [1] | ||
| Extera debo | 58,02 miliardi (2023) | |
| Revenuo totala (US$) | 39 849 milioni (2021) | |
| Spenso totala (US$) | 34 538 milioni (2019) | |
| Noto: Ecepte kande kontree mencionata, valori en ca tabelo esas en Usana dolari | ||
L'ekonomio di Bangladesh esas la 2ma maxim granda de sudal Azia, e nun esas la 35ma maxim granda de la mondo en nominala valori, e la 25ma maxim granda segun equivalanta kapableso di kompro. Segun multa financala institucuri, Bangladesh videsas kom un ek la "11ma sequanta" ekonomi, depos la 10 maxim granda.Dum kelka yari pos 2005, malgre longa periodi di politikala nestabileso, manko di substrukturo, endemika korupto, manko di energiala fonti e la tardigo pri reformar l'ekonomio, ol kreskis cirkume 6% omnayare. Quale altra landi de la mondo, ol afektesis da pandemio di KOVID-19, ma ja en 2021 ol kreskis 6,94%. En 2022 ol kreskis 7,1%, ed en 2023 ol kreskis 5.78%[1].
Malgre ke plu kam la duimo del TNP originas del sektoro di servadi, preske la duimo de la habitantaro transvivas de agrokultivo, nome rizo. Vestaro reprezentis 80% de la exportaci de la lando inter 2016 e 2017. L'industrio duras expansesar, malgre bezonar plubonigo di laborala sekureso en fabrikerii.[1] La kresko dil exportaci dum ca epoko, kombinita kun l'eniro di 13 milion dolari sendita da Bangladeshani qui rezidas exterlande, kontributis por l'augmento dil extera rezervi di la lando dum ca epoko. Recenta plubonigi en l'energiala substrukturo, inkluzite la komenco dil importaco di naturala gaso en 2018 posibligos diminutar un ek la grava obstakli por lua ekonomiala kresko.
La lando produktas poka petrolo: en 2018, nur 3.000 bareli di petrolo extraktesis. Tamen, la jaceyi di petrolo lor konocata reprezentis 28 miliardi bareli. Pri naturala gaso, la jaceyi explotata produktis 29,53 miliardi metrokubi en 2017.
Referi
[redaktar | redaktar fonto]- ↑ 1,0 1,1 1,2 Bangladesh - The World Factbook - Publikigita da CIA. URL vidita ye 23ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison