Ekonomio di Paraguay
| Ekonomio di Paraguay | ||
|---|---|---|
| Pekunio | Guarani | |
| Internaciona organizuri | MOK, Mercosur, Prosur | |
| Statistiki [1] | ||
| Totala nacionala produkturo (TNP) | US$ 108 022 milioni (2023) | |
| Rango TNP | 95ma[2] maxim granda | |
| Kresko di TNP | 4,71% (2023) | |
| TNP po persono | US$ 15 800,00 (2023) | |
| TNP segun sektoro | agrokultivo 11,3%, industrio 32,4%, servadi 49% (2023) | |
| Inflaciono | 3,8% (2024) | |
| Habitantaro sub la povreso-lineo | 24,7% (2022) | |
| Laboro-povo | 3 502 000 (2024) | |
| Laboro-povo segun okupo | agrokultivo 55,%, industrio 18,5%, servadi 55% (2008) | |
| Chomeso | 6,1% (2024) | |
| Komercala parteneri [1] | ||
| Exportaci (US$) | 18 581 milioni (2023) | |
| Precipua parteneri | Arjentinia 33%, Brazilia 25%, Chili 10%, Usa 2%, Uruguay 2% (2023) | |
| Importaci (US$) | 17 904 milioni (2023) | |
| Precipua parteneri | Popul-Republiko Chinia 33%, Brazilia 24%, Usa 8%, Arjentinia 7%, Germania 2% (2023) | |
| Publika financi [1] | ||
| Extera debo | 13 783 milioni (2023) | |
| Revenuo totala (US$) | 7 148 milioni (2022) | |
| Spenso totala (US$) | 6 937 milioni (2022) | |
| Noto: Ecepte kande kontree mencionata, valori en ca tabelo esas en Usana dolari | ||
.jpg)
Paraguay dependas multe de agrokultivo, qua reprezentas 30% de lua TNP. Dum recenta yari, soyo divenis importanta produkturo por exportaco. Segun oficala statistiki, 90% de la lando apartenas a nur 5% de rurala proprietanti[3]. Paraguay profitas de lua yuna laboro-povo e lua kapaceso por produktar elektro. Aquobarilo Itaipu, inter Paraguay e Brazilia, furnisas elektro a la du landi (singla lando recevas la duimo di la tota produktado). Paraguay konsumas poka elektro produktita en Itaipu, e vendas la cetera a Brazilia.
Problemi por la lando esas la manko di naturala resursi, e multafoye la nestabileso politikala. La lando havas granda neformala ekonomio. Riexportaci di elektronikala produkturi e sigareti esas importanta fonti di revenuo. La lando havas aceso a portui Braziliana por exportaci ed importaci uzanta chosei e tale nomizita Internaciona Ponto dil Amikeso (Hispane: Puente de la Amistad, Portugalane: Ponte da Amizade), konstruktita dum la yari 1960a, konektanta urbi Ciudad del Este en Paraguay e Foz do Iguaçu en Brazilia sur fluvio Paraná. Altra ponto, konektanta Foz do Iguaçu e Presidente Franco en Paraguay inauguresos en 2025, e triesma ponto konektanta Porto Murtinho en Brazilia ad urbo Carmelo Peralta, esos parto di "choseala koridoro" qua ligos Atlantiko a Pacifiko.
De 2003 til 2008 l'ekonomio kreskis forte, pro plucherigo di preci de komercaji e bona klimatala stando, ma en 2009 ol diminutis 3,5% konseque de sikeso e globala retrakto.
Referi
[redaktar | redaktar fonto]- 1 2 3 Paraguay - The World Factbook - Publikigita da CIA. URL vidita ye 25ma di junio 2025.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ Paraguay’s population is booming, but where are all the jobs? - Publikigita da The Conversation. Dato di publikigo: 5ma di mayo 2017. Idiomo: Angla.