Ekonomio di Tailando
| Ekonomio di Tailando | ||
|---|---|---|
| Pekunio | baht | |
| Internaciona organizuri | MOK, APEC, ASEAN, IORA | |
| Statistiki [1] | ||
| Totala nacionala produkturo (TNP) | US$ 1 223 miliardi (2021) | |
| Rango TNP | 22ma[2] maxim granda | |
| Kresko di TNP | 1,53% (2021) | |
| TNP po persono | US$ 17 100 (2021) | |
| TNP segun sektoro | agrokultivo 8,2%, industrio 36,2%, servadi 55,6% (2017) | |
| Inflaciono | 1,23% (2021) | |
| Habitantaro sub la povreso-lineo | 9.9% (2018) | |
| Laboro-povo | 40 213 000 (2021) | |
| Laboro-povo segun okupo | agrokultivo 31,8%, industrio 16,7%, servadi 51,5% (2015) | |
| Chomeso | 1,42% (2021) | |
| Komercala parteneri [1] | ||
| Exportaci (US$) | 296 002 milioni (2021) | |
| Precipua parteneri | Usa 13%, Popul-Republiko Chinia 12%, Japonia 10%, Vietnam 5% (2019) | |
| Importaci (US$) | 295 780 milioni (2021) | |
| Precipua parteneri | Popul-Republiko Chinia 22%, Japonia 14%, Usa 7%, Malaizia 6% (2019) | |
| Publika financi [1] | ||
| Extera debo | 167,89 miliardi (2019) | |
| Revenuo totala (US$) | 69,23 miliardi (2017) | |
| Spenso totala (US$) | 85,12 miliardi (2017) | |
| Noto: Ecepte kande kontree mencionata, valori en ca tabelo esas en Usana dolari | ||
Tailando havas la 2ma maxim granda ekonomio de Sud-Estal Azia, dop Indonezia. La lando havas ekonomio di merkato kun bona substrukturo e politiki por stimular koloki, e kreskis multe pro l'industriala ed agrokultivala exportaci - nome elektronikala ed agrokultivala produkturi, automobil-peci e industrialigita nutrivi. En 2021, l'exportaci reprezentis 58% de la totala nacionala produkturo, segun statistiki de Mondala Banko[3]. Lua valuto, bath, esis la 10ma maxim uzita por internaciona pagi en 2017.
La chomeso en la lando esas basa, e mem la pandemio di KOVID-19 ne augmentis ol multe.[1] La lando rangizesas 83ma segun l'indexo pri homala developeso, e la procento di individui qui vivis sub la povreso-lineo diminutis de 65,26% en 1988 til 8,61% en 2016.[4]
Segun Mondala Banko, Tailando esas "un ek la maxim granda exempli di suceso" pri sociala ed ekonomiala developo. Malgre ke lua TNP po persono ne esas multe granda (US$ 6610)[5], la fundamenti di lua ekonomio esas bona, exemple basa inflaciono, basa chomeso, e bona kontrolo pri lua publika ed extera debi.
Depos la stato-stroko di 2014 la lando kreskis poke e lua exportaci diminutis, partale pro politikala nestabileso e pro la diminuto di la globala demando. Pose, la lando komencis rekuperar su de ca basa kresko. Turismo e guvernala kolokado - nome en substrukturo - stimulabas l'ekonomio.
Referi
[redaktar | redaktar fonto]- ↑ 1,0 1,1 Thailand - The World Factbook - Publikigita da CIA. URL vidita ye 8ma di aprilo 2023.
- ↑ https://www.cia.gov/the-world-factbook/field/real-gdp-purchasing-power-parity/country-comparison
- ↑ Exports of Goods and Services (% of the GDP) – Thailand - Publikigita da The World Bank. URL vidita ye 11ma di julio 2023. Idiomo: Angla.
- ↑ ตารางที่ 1.2 สัดส่วนคนจน เมื่อวัดด้านรายจ่ายเพื่อการอุปโภคบริโภค จำแนกตามภาคและพื้นที่ ปี พ.ศ. 2531–2559 - Publikigita da Office of the National Economic and Social Development Board.
- ↑ GNI per capita, Atlas method (current US$) - URL vidita ye 3ma di marto 2015.