Europana refujintala kontroverso

Salvo di migrinti en Mediteraneo en 2015, dum tale nomizita "Operaco Tritono".

L'Europana refujinala kontroverso koncernas l'eniro di granda nombri de refujinti de Siria, Eritrea, Afganistan ed Irak aden Europana Uniono depos la duimo di 2014, quankam la nombro ja augmentabis depos 2012. Segun Eurostat, la statistikoficeyo dil Europana Uniono, esis 561 625 unesma demandanti por azilo en tota 2014 (proxime 0,1% dil tota habitantaro dil Europana Uniono) e segun l'International Organisation for Migration esis plu kam miliono di refujinti en tota 2015 (proxime 0,2% dil tota habitantaro dil Europana Uniono). La situeso produktis kontroverso pri la danjero por refujinti, la kusto de agregar li, lia motivizi e lia bonveno. Segun uli, precipue de politikala dextranaro, li esus simpatika ad Daesh. Uli nomizis la situeso "krizo", ma segun altri, exemple Patrick Kingsley, ica nomo esas neapta komparita a Libano.

Humanale, 3072 refujinti mortis o desaparis en 2014 segun l'International Organization for Migration ed ol aproximas ke 3692 refujinti mortis dum 2015.

Kelk Europana guvernerii, exemple Victor Orbán de Hungaria ed Andrzej Duda de Polonia, opozas l'eniro di refujinti. Tamen, altra guverneristi bonvenigas li e tempale suspensas komplexa proceduri dil Dublin III regularo por kelka grupi di refujinti, quale Stefan Löfven de Suedia ed Angela Merkel de Germania.