Gernika (pikturo)
Gernika esas pikturo da Pablo Picasso, piktit en 1937 pos la bombardo du la sam-noma urbo en Basko-lando, Hispania. La 26ma di april 1937 l'urbo Gernika (en la Hispana: Guernica) bombardesis da la Kondor-legiono di la Luftwaffe ed Italiana bombardavioni. Esis l'unesma teror-bombardo en Europa, quankam ja antee Europan aerarmei bombardis urbi exter Europa, quale Tripoli (1911-1912) e pose, India, Egiptia ed Etiopia, Afghanistan, Sudan, Iran en Somalia. Plu pose anke urbi Europana sequis, urbi quale Rotterdam, Coventry e Dresden.
Recenta exempli esas Grozni, Alepo e Mariupol.
Ankore hodie on diskutas pri l'exakta nombre de viktimi pro la bombardeso di Gernika, Gernika esis granda-parte destruktita. La bombardo klarigis la homala mizero; jurnalisti iraceskis e Picasso komencis olua pikturo.
Deskripto ed interpreto
[redaktar | redaktar fonto]La pikturo ne havas koloro, ol facesis de linei e surfaci en nigra, blank e griza, piktita por expresar la milito. Ne esas realistala pikturo. Pablo Picasso probis transferar la sento dum la bombardo, ne quale reale aspektis.
La pikturo montras homi en l'urbo Gernika dum la bombardo. Picasso ipsa ne volis explikar la pikturo.
La pikturo montras la kaoso di bombardo. Ni vidas korpo-parti arachita, flami, krianta muliero kun mortinta bebeo. Tote esas sis personi sur la pikturo, (quar mulieri, viro ed infanto) e apud li kavalo e bovulo.
Anke la fundo esas konfuza, esas nula difero inter interne od extere. La homi en paniko ekkuras lia domi. Esas multe videbla sama-tempe sur la pikturo, exemple kavalo qua en paniko enkuras domo. Dextre ulu falas de brulanta tekto. Matro ploras pro elua mortint infanto.
Avan sur la pikturo esas viro kun ruptita sabro, simbolo por mortinta soldato. La kavalo expresas pavoro ed esas la simbolo por l'inocenta viktimi di la milito. La matro kun la mortint infanto simbolesas la trauro pro la mortinti. La bovulo povas esas simbolo por la Hispana patrimonio (tauro-kombato), ma anke povas referar a Franco o la fashismo.
La lampo supre sur la pikturo, sur la plaso ube sur religioza verki ofte la deala lumo e palomo esas piktita, nur inkandeco-lampo esas videbla. L'inkandeco-lampo esas konsiderata kom simbolo por bombo.