Rio Branco, Acre
| Rio Branco | ||
| ||
| Kelk imaji pri Rio Branco. | ||
|
| |
| Standardo | Blazono | |
| Lando: |  Brazilia
| |
| Regiono: | Norda | |
| Stato: | Acre | |
Informo:
| ||
| Latitudo: | 9°58'29"S | |
| Longitudo: | 67°48'36"W | |
| Altitudo: | 153 m | |
| Surfaco: | 8 834,9 km² | |
| Habitanti: | 364 756[1] (2022) | |
| Denseso di habitantaro: | 41,28 hab./km² | |
| Disto de Brasília: | 3 105 km | |
| Urbestro: | Tião Bocalom (PL, 2025-2028)[2] | |
Mapo:
| ||
| ||
Oficala retosituo:
| ||
| www.riobranco.ac.gov.br | ||
Rio Branco esas chef-urbo di Braziliana stato Acre. Ol esas la precipua centro financala e komercala del stato, e la 7ma maxim populoza urbo de la Norda regiono[1]. Segun la demografiala kontado di 2022 ol havis 364 756 habitanti[1]. Lua tota surfaco esas 8 834,9 km².
Jacanta apud rivero Acre, Rio Branco distas 3030 kilometri de Brasília. Ol esas sideyo di la Federal Universitato di Acre (UFAC), publika universitato fondita en 1971, ed anke di privata universitati.
Rio Branco esas la 4ma maxim anciena chef-urbo di la Norda Regiono, dop Belém, Manaus e Macapá. Ol fondesis dum la fino dil 19ma yarcento kun l'arivo di personi de Nord-estala regiono di Brazilia. Ol expansis rapide pos la komenco di komercal extraktado di kauchuko che Norda regiono. Til 1903, tota regiono apartenis a Bolivia, ma transferesis a Brazilia pos la signato dil Kontrato di Petrópolis, ta yaro.
Historio
[redaktar | redaktar fonto].JPG)
L'urbo fondesis ye la 28ma di decembro 1882, dal Braziliano Neutel Maia, an la sinistra rivo dil rivero Acre. En 1903, lora teritorio Acre donesis a Brazilia, ed en 1904 konstruktesis administrala edifici an la dextra rivo dil rivero.
Rio divenis chefurbo dil teritorio en 1920, e chef-urbo dil stato Acre kande ol establisesis en 1962. Ante, ye la 13ma di januaro 1961, Rio Branco ligesis per choseo a Porto Velho en Rondônia e, de ibe, a la sudo di Brazilia - choseo nun nomizita BR-364[3]. Tamen, l'asfaltizo di ca choseo kompleteskis erste dum la yari 1980a, e dum multa tempo restis desfacila arivar a Rio Branco per choseo, nome dum pluvoza sezono.
Segun la demografiala kontado di 1970 ol havis 83 977 habitanti[4]. Dum la 1970a yardeko, migrinti veninta de rurala regioni komencis arivar al urbo ed establisis diversa povra quarteri simile a favelas de altra regioni Braziliana proxim rivero Acre ed en vakua arei[5]. En 1970, l'urbala areo di Rio Branco havis 23 quarteri. En 1996 ja esis 133 quarteri[5]. Dum la sequanta yari konstruktesis granda grupi di edifici rezidala, formacanta nova quarteri, exemple quarteri Bela Vista, Guimard Santos, Castelo Branco e Manuel Juliano. Tamen, le povra ne profitis de ca developo, e l'arei nesalubra ne rekuperesis[5]. En 1973, l'aeroportuo internaciona Presidente Médici, qua komencis konstruktesar depos 1964, inauguresis. Ca aeroportuo fuuncionis til la 16ma di novembro 1999, kande la nuna aeroportuo internaciona Plácido de Castro inauguresis, e l'anciena tereno dil aeroportuo Presidente Médici retrodonesis a la familio de lua antiqua proprietero.[6]
En 1980, Rio Branco atingis 117 101 habitanti[7], ed en 2000 ol atingis 235 059 habitanti[8]. En 2010, Rio Branco ja havis 336 038 habitanti[9], e dum la demografiala kontado di 2022 ol havis 364 756 habitanti[1]. Nun ol esas la maxim importanta komercala, servadala ed industriala centro dil stato.
Referi
[redaktar | redaktar fonto]- ↑ 1,0 1,1 1,2 1,3 População em Rio Branco (AC) é de 364.756 pessoas, aponta o Censo do IBGE - Publikigita da G1. Dato di publikigo: 28ma di junio 2023. Idiomo: Portugalana.
- ↑ Eleições 2024: Tião Bocalom, do PL, é eleito prefeito de Rio Branco no 1º turno - Publikigita da G1. Dato di publikigo: 7ma di oktobro 2024. Idiomo: Portugalana.
- ↑ BR-364 - Publikigita da memoria850.blogspot.com. URL vidita ye 4ma di januaro 2025. Idiomo: Portugalana.
- ↑ https://cidades.ibge.gov.br/brasil/ac/rio-branco/pesquisa/43/30281?ano=1970
- ↑ 5,0 5,1 5,2 A Evolução urbana de Rio Branco (AC): de seringal à capital - Publikigita da 1Library. Dato di publikigo: 4ma di januaro 2025. Idiomo: Portugalana.
- ↑ {{extera ligilo|url=https://g1.globo.com/ac/acre/noticia/2019/03/05/ha-mais-50-anos-rio-branco-ganhava-segundo-aeroporto-construido-no-meio-da-floresta.ghtml%7Ctitulo=Há mais de 50 anos, Rio Branco ganhava segundo aeroporto construído no meio da floresta|editero=G1|idiomo={{pt} |publikigita ye=5ma di marto 2019}}
- ↑ https://cidades.ibge.gov.br/brasil/ac/rio-branco/pesquisa/43/30281?ano=1980
- ↑ https://cidades.ibge.gov.br/brasil/ac/rio-branco/pesquisa/43/30281?ano=2000
- ↑ População de Rio Branco, AC (Total, Censo e Ranking -