Manaus

Manaus
Kelka imaji pri Manaus.
Standardo	Blazono
Lando:	Brazilia
Stato:	Amazonas
Informo:
Latitudo:	3°06' S
Longitudo:	60°01' W
Altitudo:	92 m
Surfaco:	11 400 km²
Habitanti:	2 057 511 (2015)
Denseso di habitantaro:	180.48 hab./km²
Disto de Brasília:	3,490 km km
Horala zono:	UTC-4 (la sama dum somero)
Urbestro:	David Almeida (Avante)
Mapo:
Oficala retosituo:
www.manaus.am.gov.br

Portuo di Manaus, chef-urbo di Amazonas.

Manaus esas chef-urbo e maxim populoza urbo dil Braziliana stato Amazonas, e la 7ma maxim populoza de Brazilia. Ol esas la precipua financala ed ekonomiala centro di la Norda regiono di la lando.

Fondita en 1669, l'urbo modernigesis multe pos la duimo di 19ma yarcento, dum tale nomizita "ekonomiala ciklo dil kauchuko". Nun, ol havas importanta fabrikerii di elektronikal-equipuri en lua industriala distrikto.L'urbo ank esas turismala urbo, por uli qui deziras konocar la fluvio Amazon o l'Amazoniana foresto, ultre havar lua propra atraktivi, exemple Teatro Amazonas, botanika gardeno e multa muzei. La Federala Universitato di Amazonas (Universidade Federal do Amazonas - UFAM, fondita en 1909) e l'Universitato dil Stato Amazonas (Universidade do Estado do Amazonas - UEA, fondita en 1973), anke havas sideyi en Manaus.

La nomo dil urbo devenis de Manaós, un ek l'aborijena tribui qui vivis en la regiono.

Historio

Ante l'arivo di Portugalani, multa aborijena grupi, exemple le Manaós, Baré e Tarumã, habitis la regiono. Manaus fondesis en 1669 dal Portugalani, kande li konstruktis la fuorto São José do Rio Negro. En 1695, katolika misionisti (Karmeliti, Jezuiti e Franciskani) decidis konstruktar kapelo honore Nia Siorino di la Nemakuloza Gravidesko proxim la fuorto, por helpar katekizar aborijeni. De 1723 til 1728 eventis milito inter Portugalani e le Manaós, qui ne aceptis sklavigo. La milito finis erste pos ke Portugalani aceptis mariajar kun filiini di lokala chefi indijena.

Manaus divenis urbo ye la 24ma di oktobro 1848.