Bahama

Bahama
Commonwealth of The Bahamas
	Arkivo:Coat of arms of Bahamas.png
Standardo di Bahama	Blazono di Bahama
Nacionala himno:
March On, Bahamaland
Urbi:
Chefurbo:	Nassau
Precipua urbo:	Nassau
Lingui:
Oficala lingui:	Angliana
Guvernerio:
Tipo:	Monarkio
· Rejino:	Elisabeth 2ma
· Chefa ministro:	Hubert Ingraham
Surfaco: (160ma maxim granda)
· Totala:	13 878 km²
· Aquo:	28 %
Plusa informi:
Valuto:	Dolaro di Bahama
Veho-latero:	sinistre
ISO:	BS
	BHS
	044
Reto-domeno:	.bs*
Precipua religio:	kristanismo (92,3%)

Bahama esas insul-grupo formata da 700 insuli en Nord-Amerika, 80 km esto di Florida, USA (Bimini Insulo).

Bazala fakti pri Bahama

Historio

Taino indijeni arivis en Bahama dum 7ma yarcento. Kande Kristoforo Kolumbo remarkis San Salvador Insulo ye 12 di oktobro 1492 posible exisitis cirkum 30 000 indijeni en ol.

De 15ma til 17ma yarcento, l'insuli apartenis ad Hispania, ma pirati - specale Britaniani ja celis su en l'arkipelago, qua esas vera labirinto di insuli. Ye 1648 Britaniana aventureri arivis en l'arkipelago. Regiono divenis definitive Britaniana kolonio ye 1783 kun Versailles-kontrakto. Pos la nedependeso di Usa, cirkum 7300 personi fieli a Britaniana monarkio movis de Nova-York, Florida e Karolini til Bahama kun lia sklavi. Ica populo stablisis kultivi en l'insuli.

L'habitanti di Bahama votis por nedependeso de Unionita Rejio ye 1973 e lando divenis nedependanta ye 10 di julio 1973.

Politiko

Bahama esas konstitucala monarkio. La chef-stato esas Elizabeth 2ma di Unionita Rejio, reprezentata da general-guverniestro, nune Arthur Foulkes. La chefa ministro esas la chefo di guvernerio, nune esas Hubert Ingraham.

La parlamento havas du chambri: Senato kun 16 membri, e chambro di deputati kun 40 membri. La du precipua politikala partisi esas la Free National Movement (libera nacionala movado) - FNM, e la Progressive Liberal Party (progresanta liberala partiso) - PLP.

Geografio

Mapo di Bahama.

Plajo en Emerald Bay, Bahama.

Bahamas esas vasta arkipelago plasizata inter Florida (USA) e nordo di Kuba, kun plu kam 700 insuli ed insuleti. Tereni en l'insuli esas basa: la maxim alta monto di arkipelago esas Monto Alvernia, kun 62 metri di altitudo. Lua litoro (sumo di tota la insuli) havas 3.452 km.

La klimato varias de subtropikala a tropikala. Dum sumero e autuno, l'insuli sufras kun uragani.

Ekonomio

Videz anke: Ekonomio di Bahama.

Turismo esas la precipua fonto di revenuo di lando. Altra ekonomikala rekursi esas salo, aragonito, ligno, e poka kultivebla tereni.

Demografio

Preske 85% di Bahamani decendas de Afrikani. L'Angliana linguo esas oficala.

Kulturo

Junkanoo esas tradicionala parado kun dansi e muziki en la stradi, qua okuras en la Dio di Nov-Yaro (1ma di januaro) e 10 di julio (dio di la nedependeso).