Otto Jespersen

De Wikipedio
Irez ad: pilotado, serchez
Otto Jespersen
Profesiono: linguisto, Idisto, filozofo
Lando: Flag of Denmark.svg Dania
Nasko-dio: 16 di julio 1860
Nasko-loko: Randers (Jutlando, Dania)
Morto-dio: 30 di aprilo 1943
Morto-loko: København, Dania

Otto Jespersen esas anke la nomo di famoza Norvegiana komediisto.


Otto Jespersen (1860 til 1943) esis Daniana linguisto qua specaligis su pri la gramatiko dil Angliana linguo. Il naskis en Jutlando ed asistis København-Universitato, ganis diplomi en la Angliana, Franciana, e Latina lingui. Il anke studiis linguistiko che Universitato di Oxford.

Jespersen esis profesoro dil Angla che Kobenhavn-Universitato de la yaro 1893 til 1925. Kun Paul Passy, il fondis la Internaciona Fonetik-Asociuro. Il forte sustenis ed aktive developis artificala internaciona lingui quale Esperanto. Il esis membro di la Delegitaro qua kreis l'artificala linguo Ido e plu tarde developis Novial linguo, qua, segun il, esis plubonigo.

Il esas famoza pro kelka lua libri. Lua Modern English Grammar koncentris ye morfologio e sintaxo. Lua Growth and Structure of the English Language es kompleta vidpunto pri la Angla da homo kun altra matrala linguo, ed ankore imprimesas, plu kam 60 yari pos lua morto e preske 100 yari pos l'original publikigo.

Otto Jespersen invitesis plurafoye ad Usa kom gasto-profesoro, ed il profitis l'okaziono por studiar l'eduko-sistemo di la lando. Lua autobiografio (videz infre) editesis en Angla tradukuro tam recente kam la yaro 1995.

Jespersen propagis fonosemantiko e skribis: kad esas vere plu multa logiko ye l'opozita extremo qua negas irgasorta son-simbolismo (ecepte la mikra klaso de evidenta ekoismi ed 'onomatopei') e vidas en nia vorti nur kolekturo de acidental e senraciona asociuri di sono e signifiko? … "Esas nenegebla ke esas vorti quin ni sentas instintale kom adequata por expresar l'idei quin li reprezentas."

Bibliografio[redaktar | edit source]

  • 1905: Growth and Structure of the English Language (riimprimuro di 1999 es ISBN 0-226-39877-3.)
  • 1909-1949: A Modern English Grammar (en sep tomi; la titulo esas komprenenda kom 'gramatiko di Moderna Angla')
  • 1922: Language: Its Nature, Development, and Origin
  • 1924: The Philosophy of Grammar
  • 1928: An International Language (introduktante Novial linguo)
  • 1930: Novial Lexike (vortolibro di Novial)
  • 1995: A Linguist's Life: Angla tradukuro dil autobiografio da Otto Jespersen ... editita da Arne Juul [ed al.]. Odense, 1995.

Referi[redaktar | edit source]