Alberto Santos-Dumont

De Wikipedio
Irez ad: pilotado, serchez
Alberto Santos-Dumont
Alberto Santos-Dumont portrait.jpg
Profesiono: inventisto, pioniro en flugado per aeroplano
Lando: Flag of Brazil.svg Brazilia
Naskodato: 20 di julio 1873
Nasko-loko: Cabangu, Minas Gerais
Mortodato: 23 di julio 1932
Morto-loko: Guarujá, Sao Paulo

Alberto Santos-Dumont (1873 til 1932) esis Brazilian inventisto e pioniro en flugado per motorizita aeroplani.

Naskinta che l'urbo Cabangu (nune nomata Santos Dumon), il esis la lasta ek la dekeuna filii de inventiva e richa patro qua havis granda plantacerii di kafeieri. Lua preferata lekto esis la libri da Jules Verne.

En 1891 ilua patro paralizesis partale pos falar de kavalo. Ilu vendis la plantacerio ed iris Francia serchante kuracado.[1] En Paris, Santos-Dumont konocis konstuktisto di balonegi e, malgre ne flugis en la balonego, ilu komencis sentar interesto pri flugado. Pos la morto di lua patro, Alberto retroiris a Paris ube studiis fiziko, kemio, mekaniko ed elektro. De 1898 til 1905 ilu konstruktis e flugis en 11 dirigibli, ganinta importanta konkurso.

Santos Dumont esis pioniro pri la flugado per mashino plu pezosa kam l'aero, ye la 23ma di oktobro 1906, sen bezonar katapulto, forta venti, edc.. Lua unesma aeroplano baptesis 14-Bis.

En 1910, pos acidento kun aeroplano Demoiselle, e malada pro multopla sklerozo, Alberto finis l'inquesti kun avioni e retroiris a Brazilia.

En 1932 ilu sentis forta depreso kande observis militala aeroplani qui uzabis por bombardar loki dum l'interna milito en Brazilia. Ye la 23ma di julio sam yaro ilu su-ocidis.

La regionala aeroportuo di Rio de Janeiro inaugurita en 1936, recevis lua nomo (Aeroporto Santos Dumont) en lua homajo.

Referi[redaktar | redaktar fonto]

  1. Peter Wykeham. Santos Dumont: A Study in Obsession. New York: Harcourt, Brace & World, 1962.
Commons
Wikimedia Commons havas kontenajo relatante a: Alberto Santos-Dumont